Увечары 16 лістапада ў міліцыю паступіла паведамленне ад дыспетчара службы 103 аб тым, што ў адным з дамоў населенага пункта Ваўкавыскага раёна мужчыну ўдарылі нажом, паведамляе Следчы камітэт.
На месца здарэння неадкладна выбыла следча-аператыўная група. Устаноўлена, што ў адным з пакояў названага дома з колата-рэзанай ранай шыі знойдзена цела 45-гадовага мужчыны.
Па папярэдніх дадзеных, каля 21.30 гадзін таго ж дня ў ходзе сумеснага распівання спіртных напояў паміж загінулым і яго братам паўстаў канфлікт, падчас якога старэйшы брат прычыніў раненне малодшаму. Ад атрыманых цялесных пашкоджанняў той сканаў на месцы.
Следчымі агледжана месца здарэння, знойдзены і канфіскаваны нож, іншыя прадметы і аб'екты, па якіх прызначаны шэраг экспертыз, у тым ліку судова-медыцынская экспертыза.
У дачыненні да старэйшага брата заведзена крымінальная справа па ч. 1 арт. 139 Крымінальнага кодэкса (забойства). Следчымі высвятляюцца ўсе абставіны здарэння.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
