Захворванне COVID-19 у Брэсцкай вобласці пачынае зніжацца, паведаміў першы намеснік міністра аховы здароўя Дзмітрый Піневіч, перадае БЕЛТА.
Раней усяго ў звычайны рэжым працы пачалі вяртацца ўстановы аховы здароўя, арыентаваныя на пацыентаў з каранавірусам, у Віцебскім рэгіёне. Нядрэнная абстаноўка і ў Магілёўскай вобласці, адзначыў першы намеснік міністра.
«Быў рост захворвання ў Брэсцкай вобласці, прытым практычна па ўсіх буйных гарадах, але захворванне таксама ідзе на спад. У Гомельскім рэгіёне ёсць некаторыя пытанні. Я заўтра туды выязджаю, нашы спецыялісты там таксама папрацавалі, міністр нядаўна быў», — сказаў Дзмітрый Піневіч.
Сітуацыя ў абласцях знаходзіцца пад кантролем кіраўніцтва Міністэрства аховы здароўя. «Мы трымаем сітуацыю на ручным кіраванні, у першую чаргу для аказання кансультацый і метадычнай дапамогі», — дадаў першы намеснік міністра.
Што тычыцца ложкавага фонду, яго на сёння больш чым дастаткова. Ні ў адной кропцы краіны няма праблем з аказаннем неабходнай стацыянарнай дапамогі тым, хто ў ёй мае патрэбу. Пацыенты з лёгкім цягам захворвання лечацца на хаце і знаходзяцца пад пастаянным наглядам кантактных груп, якія арганізаваны ў паліклініках.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
