Апублікавана раней невядомае апавяданне Эрнэста Хэмінгуэя

Часопіс New Yorker апублікаваў раней невядомае апавяданне амерыканскага пісьменніка Эрнэста Хэмінгуэя, піша ria.ru.

Гісторыя называецца «Пагоня як шчасце» (Pursuit As Happiness). У апавяданні галоўны герой па імі Эрнэст Хэмінгуэй разам з сябрамі спрабуе злавіць вялізнага марліна.

Сюжэт пераклікаецца з падзеямі аповесці «Стары і мора», упершыню выдадзенай у 1952 годзе. Унук пісьменніка Шон Хэмінгуэй знайшоў рукапіс у бібліятэцы і музеі Джона Ф. Кэнэдзі ў Бостане.

• Эрнэст Мілер Хэмінгуэй — вядомы амерыканскі пісьменнік, лаўрэат Нобелеўскай прэміі па літаратуры 1954 года. Многія яго творы перакладзены на мноства моў і прызнаныя здабыткам сусветнай літаратуры.
• Хэмінгуэй прымаў удзел у Другой сусветнай вайне. У якасці ваеннага карэспандэнта удзельнічаў у палётах брытанскіх ВПС, апісваючы высадку саюзнікаў у Нармандыі, у жніўні 1944 года ўвайшоў з амерыканскімі войскамі ў Парыж. За адвагу ён быў удастоены Бронзавай зоркі.

Прэв'ю: iz.ru