У Дзятлаўскім раёне падчас палявання мінчанін па неасцярожнасці застрэліў егера

Пра інцыдэнт праінфармавалі ў тэлеграм-канале Следчага камітэта.

Па дадзеных следства, уначы 22 студзеня 59-гадовы жыхар Мінска, знаходзячыся ў лясным масіве на тэрыторыі Дзятлаўскага раёна, падчас палявання стрэліў у бок дзікай жывёліны, аднак не пераканаўся ў адсутнасці людзей у накірунку стрэлу.

У выніку дзеянняў падазраванага 46-гадоваму егеру Дзятлаўскага лясгаса было прычынена агнястрэльнае раненне, ад якога ён памёр на месцы здарэння.

Следчым праведзены агляд месца здарэння з прыцягненнем спецыяліста, зафіксаваная следавая карціна, прызначаны шэраг даследаванняў, вытворчасць якіх даручана экспертам УДКСЭ па Гродзенскай вобласці, дапытаны падазраванага.

У дачыненні да мужчыны распачата крымінальная справа па ч.1 ст.144 (прычыненне смерці па неасцярожнасці) Крымінальнага кодэкса Рэспублікі Беларусь. Падазраваны затрыманы.