Кіраўнік дзяржавы Аляксандр Лукашэнка накіраваў прывітанне ўдзельнікам, арганізатарам і гасцям рэспубліканскіх фінальных спаборніцтваў сярод дзяцей і падлеткаў па хакеі «Залатая шайба» на прызы Прэзідэнта Беларусі, паведамілі ў прэс-службе кіраўніка дзяржавы.
«Гэты традыцыйны турнір для многіх хлапчукоў стаў сапраўднай школай майстэрства, дружбы, узаемадапамогі і вельмі важным крокам на шляху ў вялікі спорт, — гаворыцца ў прывітанні. — Перакананы, што перамога дастанецца наймацнейшым — самым мэтанакіраваным і настойлівым, а на лядовых пляцоўках будуць панаваць бескампрамісная барацьба, дух сумленнага суперніцтва і ўзаемапавага».
Прэзідэнт пажадаў удзельнікам спаборніцтваў моцнага здароўя, поспеху і яркіх перамог. «Упарта працуеце, бярыце прыклад з лепшых і хай вам скорацца ўсе вяршыні і ў спорце, і ў жыцці», — падкрэсліў Аляксандр Лукашэнка.
Прэв’ю: БелТА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
