Апошнія чвэрцьфіналісты вызначацца на футбольным чэмпіянаце свету ў Катары

На чэмпіянаце свету па футболе ў Катары сёння стануць вядомы апошнія ўдзельнікі чвэрцьфінальнай стадыі, паведамляе БелТА.

Адны з фаварытаў сусветнага першынства футбалісты Іспаніі ў Эр-Раяне сустрэнуцца з камандай Марока (пачатак гульні ў 18.00). У заключным паядынку 1/8 фіналу футбалісты Партугаліі ў Лусаіле будуць сапернічаць са швейцарцамі (22.00).

Тры чвэрцьфінальныя пары ўжо вядомы:

9 снежня

Харватыя — Бразілія (18.00), Нідэрланды — Аргенціна (22.00);

10 снежня

Англія — Францыя (22.00).

Бамбардзірскую гонку 22-га планетарнага футбольнага форуму ўзначальвае лідар дзеючых чэмпіёнаў свету французаў Кіліян Мбапэ, які забіў 5 мячоў.

Паўфінальныя паядынкі пройдуць 13 і 14 снежня, іх няўдачнікі 17 снежня паспаборнічаюць за бронзавыя ўзнагароды сусветнага першынства. Пераможцы паўфіналаў 18 снежня сустрэнуцца ў вырашальным паядынку за чэмпіёнскі тытул на полі Нацыянальнага стадыёна ў Лусаіле, які ўмяшчае 89 тыс. гледачоў. Сустрэчы ЧС-2022 прымаюць восем футбольных арэн Катара.

У фінале мінулага ЧС, што праходзіў у 2018 годзе ў Расіі, зборная Францыі перамагла харватаў з лікам 4:2, бронзу заваявалі бельгійцы, якія перамаглі ў матчы за 3-е месца англічан з рэзультатам 2:0. Зборная Бразіліі пяць разоў станавілася чэмпіёнам свету, на адзін тытул менш у Германіі і Італіі, па два разы лепшымі былі зборныя Францыі, Аргенціны і Уругвая, па разу — Англія і Іспанія.

Прэв’ю: pixabay.com