Такая магчымасць абмяркоўвалася падчас рэгіянальнага бізнес-форума ў горадзе Матарам (правінцыя Заходняя Нуса Тэнгара), арганізаваным пры садзейнічанні МЗС Інданезіі.
Аб гэтым паведамілі ў прэс-службе МЗС Беларусі па выніках рабочай паездкі Надзвычайнага і Паўнамоцнага Пасла Беларусі ў Інданезіі Уладзіміра Лапата-Загорскага. На форуме быў прэзентаваны гандлёвы і інвестыцыйны патэнцыял Беларусі, адбыліся перагаворы з прадстаўнікамі дзелавых колаў рэгіёна. Прадстаўнікі ААТ "Беларускі аўтамабільны завод" і ААТ "Мінскі аўтамабільны завод" прэзентавалі свае прадпрыемствы. Паводле інфармацыі прэс-службы беларускага знешнепалітычнага ведамства, абмяркоўваліся "варыянты супрацоўніцтва, у тым ліку па магчымай пастаўцы беларускай тэхнікі для патрэб буйнейшай горназдабыўной кампаніі Інданезіі Newmont Nusa Tenggara".
Акрамя таго, Уладзімір Лапата-Загорскі сустрэўся з губернатарам правінцыі Заходняя Нуса Тэнгара. Бакі абмеркавалі стан і перспектывы ўзаемадзеяння Беларусі з гэтым рэгіёнам Інданезіі.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
