Сеткавае выданне zviazda.by

У атрыуме 2-га паверха Нацыянальнай бібліятэкі Беларусі адбылося адкрыццё выставы «Дзяржаўныя і афіцыйныя геральдычныя сімвалы Рэспублікі Беларусь». Экспазіцыя прымеркавана да Дня Дзяржаўнага сцяга, Дзяржаўнага герба і Дзяржаўнага гімна, які беларусы адзначылі 10 мая.

Аркадзя Падліпскага добра ведаюць на Віцебшчыне і ў нашай краіне як аднаго з вядучых краязнаўцаў Беларусі. Творчасці, новым кніжным праектам Аркадзя Міхайлавіча і была прысвечана чарговая імпрэза ў Віцебскай абласной бібліятэцы імя У. І. Леніна ў рамках праекта «Краязнаўчыя сустрэчы».

У палескай сталіцы пройдзе II Брэсцкі абласны фестываль дзіцячай кнігі. Нагадаем, што першы прайшоў летась, у Баранавіцкім раёне, у вёсцы Новая Мыш. 

Галоўная мэта беларуска-расійскага праекта, прысвечанага подзвігу савецкіх лётчыкаў у Вялікай Айчыннай вайне, — расказаць аб баявым шляху авіяцыйных часцей і злучэнняў, дапамагчы высветліць лёсы лётчыкаў, якія да гэтага часу лічацца зніклымі без вестак, і захаваць памяць аб іх для будучых пакаленняў. 

Ад буйных сталічных і абласных да невялікіх сельскіх філіялаў!.. Сёння яны расчыняць свае дзверы ў вечаровы час — і пачнецца містыка, калі звычайныя культурныя ўстановы, дзе захоўваюцца кнігі, ператворацца ў прастору незвычайных магчымасцяў. 

Мерапрыемствы акцыі «Бібліяноч-2026» пройдуць 24 красавіка ў Брэсцкай абласной бібліятэцы імя М. Горкага і Брэсцкай цэнтральнай гарадской бібліятэцы імя А.С. Пушкіна, перадае БелТА.

Каля 150 бібліятэк прымуць удзел у Рэспубліканскай культурна-асветніцкай акцыі «Бібліяноч-2026» 24 красавіка. Пра гэта расказала намеснік генеральнага дырэктара — дырэктар па ідэалогіі, сацыякультурнай і выдавецкай дзейнасці Нацыянальнай бібліятэкі Беларусі Людміла Высоцкая, перадае БелТА.

«У гэтым годзе акцыя прысвечана некалькім галоўным тэмам. Безумоўна, мы не абыдзем Год беларускай жанчыны, таксама закранём тэмы 40-годдзя аварыі на Чарнобыльскай атамнай электрастанцыі і 65-годдзя першага палёту Гагарына ў космас. У гэтым годзе ў акцыі будуць прымаць удзел 149 бібліятэк з усёй рэспублікі», — адзначыла Людміла Высоцкая. Па яе словах, у Мінску акцыя пройдзе ў 8 бібліятэках, у Мінскай вобласці — у 23 бібліятэках, у Брэсцкай вобласці — у 22, у Віцебскай — 25, у Гомельскай — 23, у Гродзенскай — 19, а ў Магілёўскай вобласці — у 29 бібліятэках. Нацыянальная бібліятэка Беларусі па традыцыі выступіць куратарам акцыі.

«Наша «Бібліяноч-2026» стане асаблівай падзеяй, таму што мы сёлета адзначаем 20-годдзе будынка Нацыянальнай бібліятэкі Беларусі, якая расчыніла дзверы для чытачоў 16 чэрвеня 2006 года. Тэма акцыі «Бібліятэка — гэта прастора сэнсаў», — дадала Людміла Высоцкая.

Яна падкрэсліла, што ў галоўнай бібліятэцы Мінска разгорнуцца дзясяткі тэматычных пляцовак. Стартуе акцыя ў 19.00 з урачыстага тэатралізаванага адкрыцця. Аматараў інтэлектуальных гульняў чакаюць шахматна-шашачныя турніры, майстар-класы па японскіх і кітайскіх шахматах, гульня «Мафія». Для тых, хто шукае новыя веды, пройдуць лекцыі, сустрэчы, выступленні адвакатаў, экспертаў па фэншуй. На літаратурнай кухні пачаткоўцы аўтары даведаюцца, як трапіць у выдавецтва ў гэтым годзе і пра што мараць сучасныя жанчыны. Гасцей таксама чакаюць выставы, друкаваныя майстэрні, выступленні музыкантаў, інтэрактыўная праграма, вечар бардаўскай песні, інавацыйная 3D-фотазона, прэзентацыя настольнай гульні «Беларуская манаполія», інтэрактыў ад БРСМ. 

На пляцоўцы «Жаночая прастора» адбудуцца паказы модных калекцый, майстар-класы і кансультацыі астролагаў, прэзентацыя кнігі тэлевядучай Кацярыны Цішкевіч «50 адценняў голасу» для тых, хто хоча стаць дыктарамі, зразумець, як працуе голас, і навучыцца ім кіраваць.

«Скрыпка, фартэпіяна, вакал, народныя матывы, дыджэй-сэт — музычная праграма „Бібліяночы“ здзівіць нават самых спрактыкаваных меламанаў. У нас будуць вельмі цікавыя бонусныя пляцоўкі. На 23-м паверсе на адкрытай агляднай пляцоўцы пры ўмове добрага надвор’я можна будзе праз тэлескоп паназіраць за зорным небам пад выступленне скрыпачкі», — падсумавала Людміла Высоцкая.

Мастак Віктар Васюкевіч з Навагрудка прадставіў цікавую знаходку — фрагмент пергамента XVIII стагоддзя са старажытнаяўрэйскімі пісьмёнамі. Артэфакт быў знойдзены на гарышчы хаты сваяка мастака. Якім чынам рэліквія трапіла да сям’і жывапісца — высветліць зараз складана.

ХХІІ Міжнародныя кнігазнаўчыя чытанні пройдуць у Нацыянальнай бібліятэцы Беларусі 16-17 красавіка, паведамілі БелТА ва ўстанове культуры.