Сеткавае выданне zviazda.by

У Магілёве адбылася сустрэча з аўтамабільнымі перавозчыкамі пасажыраў, у якой прынялі ўдзел прадстаўнікі інспекцыі МПЗ па Магілёўскай вобласці. Арганізатарам сустрэчы выступіў філіял Транспартнай інспекцыі па Магілёўскай вобласці. Мэта мерапрыемства — прафілактыка правапарушэнняў пры ажыццяўленні пасажырскіх перавозак на тэрыторыі Магілёва і за яго межамі. Размова ішла пра выкананне патрабаванняў Указа Прэзідэнта Рэспублікі Беларусь ад 25.01.2024 № 32 «Аб аўтамабільных перавозках пасажыраў». 

Пытанні скарачэння дэфіцыту кадраў і замацавання маладых спецыялістаў сталі тэмай для абмеркавання ў Магілёўскай абласной арганізацыі Беларускага прафсаюза работнікаў ЖКГ і сферы абслугоўвання. Як паказаў аналіз выпадкаў звальнення маладых спецыялістаў па мінулым годзе, палова іх звязаная з прызывам у армію. Яшчэ 10 % былі пераведзеныя да іншых наймальнікаў. Менш як трэць маладых спецыялістаў пакінулі свае працоўныя месцы пасля заканчэння кантракту і адпрацоўкі. Яшчэ ў 5 % выпадкаў працоўныя адносіны былі спынены па іншых прычынах.

Пад гукі аркестра, апладысментаў, захопленых воклічаў вось ужо ў 19 раз у Магілёў завітала гэта прыгожае вясновае свята. Тэатральная моладзь сваім дынамічным перфомансам разагнала над плошчай перад драмтэатрам шэрыя хмары і ззяла сваімі ўсмешкамі не горш чым само сонейка. Мерапрыемства распачалося а палове шостай вечара. А перад гэтым на сцэне Магілёўскага лялечнага тэатра артысты Пермскага тэатра «Век Жыцця» адыгралі першы фестывальны спектакль «Носферату». Спектакль-роздум, як, дарэчы, і ўсе астанія, якія стварыў цудоўны выбітны рэжысёр з Екацерынбурга Мікалай Каляда. На жаль, рэжысёр, які неаднаразова прыязджаў на фестываль са сваім тэатрам і радаваў сваімі пастаноўкамі магіляўчан ў сёлетнім сакавіку заўчасна пайшоў з жыцця. Артысты-пермякі прысвяцілі сваё выступленне яму, падкрэсліўшы, што і для іх тэатра ён адыграў вельмі важную ролю.

З раніцы ў адной з самых папулярных ВНУ Магілёва — Беларуска-Расійскім універсітэце — было не прапіхнуцца. Шмат моладзі, у тым ліку з бацькамі, малодшымі сёстрамі-братамі. Як сям’я са Слуцка. У суправаджэнні дарослых зусім маленькая дзяўчынка ў віар-шлеме робіць зварачныя швы. Як высветлілася, Надзея прыехала разам з бацькамі і братам Іванам.

Гэта сумесны праект заслужанага калектыву Магілёўскі абласны драмтэатр і Магілёўскага абласнога краязнаўчага музея імя Я. Раманава. Выстава пад назвай «Сакавік. Жывапіс. Графіка» прадстаўлена работамі двух вядомых мастакоў — ураджэнцаў Магілёўскай вобласці Віктара Альшэўскага і Ганны Паўлавай — з фондаў філіяла краязнаўчага музея — мастацкага музея імя Паўла Масленікава.

Як адзначаюць аналітыкі, люты прынёс прыкметныя змены на рынку жылля Беларусі. На дынаміку цэн паўплывалі як сезонныя фактары, так і розныя знешнія і ўнутраныя фактары. Аналіз паказвае, што пакупнікі і прадаўцы па-рознаму рэагавалі на ваганні попыту, а рэгіянальныя адрозненні сталі яшчэ больш выяўленымі.

«На першым плане пытанні бяспекі і міру»

Хоцімскі — адзін з сямі раёнаў Прыдняпроўскага краю, дзе дзейнічаюць прэферэнцыі прэзідэнцкага Указа «Аб сацыяльна-эканамічным развіцці паўднёва-ўсходняга рэгіёна Магілёўскай вобласці». Інвестпраект па вырошчванні вясёлкавай фарэлі быў запушчаны тут у 2023 годзе. За невялікі тэрмін на ўскрайку гарадскога пасёлку вырас сучасны комплекс, абсталяваны па апошнім слове тэхнікі. Для вясёлкавай фарэлі створаны выключныя ўмовы пражывання. Наколькі гэта важны для раёна аб’ект, высвятлялі на месцы.

Выбарачная сяўба яравога аўса пачалася ў паўднёвых раёнах Магілёўскай вобласці. Аб гэтым расказалі ў камітэце па сельскай гаспадарцы і харчаванні Магілёўскага аблвыканкама, паведамляе БелТА.

Супрацоўнікі МНС выратавалі 18 чалавек пры пажары ў інтэрнаце ў Магілёве. Пра гэта паведамілі ў Тэлеграм-канале МНС Беларусі.