Сеткавае выданне zviazda.by

Прыём дакументаў ад абітурыентаў на навучанне па «мэтавай» траекторыі будзе ажыццяўляцца да 2 ліпеня. З 27 чэрвеня да 1 ліпеня таксама прымуць дакументы на паступленне ў ВНУ і ад прызёраў універсітэцкіх алімпіяд, іх залічэнне пройдзе да 2 ліпеня. У Міністэрстве адукацыі агучылі, што ў 2025 годзе больш за 400 арганізацый у Беларусі падалі заяўкі на мэтавыя месцы ва ўніверсітэты. На адпаведную падрыхтоўку ў вышэйшых навучальных установах выдзелена каля 5,3 тысячы месцаў, з якіх 2,3 тысячы — на медыцынскія спецыяльнасці і 1,2 тысячы — на сельскагаспадарчыя. Колькасць мэтавых месцаў у ССНУ — 890 па 70 спецыяльнасцях.

Сёння абітурыенты здавалі ЦЭ і ЦТ па беларускай і рускай мовах.

Як павысіць якасць і прэстыж аграрнай адукацыі? Якія новаўвядзенні плануюцца ў праграмы навучання і падрыхтоўкі будучых спецыялістаў? Якія прафесіі найбольш запатрабаваныя? Якія матэрыяльныя стымулы і гарантыі прадугледжаны для маладых спецыялістаў аграрных прафесій? З гэтымі пытаннямі мы звярнуліся да начальніка Галоўнага ўпраўлення адукацыі, навукі і кадравай палітыкі Міністэрства сельскай гаспадаркі і харчавання Рэспублікі Беларусь Уладзіміра Самсановіча.

На мінулым тыдні ў дзевяцікласнікаў завяршыліся выніковыя іспыты, прайшлі вечары развітання са школай. І рабятам неабходна вызначыцца, што рабіць далей: ісці вучыцца ў каледж ці паступаць у 10-ы клас. Тэма залічэння на трэцюю прыступку сярэдняй адукацыі выклікала хвалю абмеркаванняў у інтэрнэце, паведамляюць «Минск-Новости».

Для тых, хто па ўважлівых прычынах не змог прайці ЦЭ і ЦТ разам з усімі, шанц нагнаць астатніх прадставіцца 19, 21 і 23 чэрвеня. У гэтыя дні абітурыентаў на выпрабаванні будзе чакаць Беларускі дзяржаўны ўніверсітэт. У выпрабаваннях прымуць удзел 671 чалавек, з іх у цэнтралізаваным экзамене — 242 (у 2024 годзе — 227), у цэнтралізаваным тэсціраванні — 429 (у 2024-м — 395).

Асаблівасць сельскагаспадарчай ВНУ ў тым, што 70 % яе студэнтаў павінны быць мэтавікі. Сёння сельская гаспадарка развіваецца сямімільнымі тэмпамі — павялічваецца колькасць МТК з рабатызаванымі даільнымі ўстаноўкамі, укараняюцца спадарожнікавыя тэхналогіі ў земляробстве, аўтаматызуецца сельскагаспадарчая тэхніка. За кошт павышэння тэхналагічнасці заробкі ў гэтай галіне растуць. З атрыманнем жылля ў маладых спецыялістаў таксама няма праблем. Ну чым не пляцоўка для добрага кар’ернага старту? З 760 чалавек, якіх Беларуская дзяржаўная сельскагаспадарчая акадэмія (БДСГА) збіраецца набраць на дзённую форму навучання, 453, як плануецца, павінны быць абітурыенты-«мэтавікі».

Маладыя людзі сабраліся ў Мінску для абмеркавання вынікаў першага года сваёй працы ў статусе маладых спецыялістаў. Каля 100 маладых работнікаў прааналізуюць і падзеляцца рэальным дзеяннем мер, ільгот і гарантый, накіраваных на іх падтрымку.

На факультэце прыродазнаўства з гэтага навучальнага года будуць рыхтаваць спецыялістаў па двух новых кірунках. Адзін з іх называецца «краіназнаўства і перакладчыцкая дзейнасць», другі — «мікрабіялогія», паведаміў рэктар ВНУ Юрый Голубеў.

У гэты дзень ЦТ па 4 профільных вучэбных прадметах — фізіцы, хіміі, гісторыі Беларусі і грамадазнаўстве прайшлі 29,2 тысячы абітурыентаў.

З новага навучальнага года выключаецца дыстанцыйнае навучанне дзяцей, якія жывуць у Беларусі, у замежных установах агульнай сярэдняй адукацыі, а таксама магчымасць ІП рэалізоўваць вучэбныя праграмы дашкольнай адукацыі.