Вы тут

Аспекты міжнароднай журналістыкі абмяркоўваліся ў БДУ


На фоне сусветнай глабалізацыі роля міжнароднай журналістыкі ўзрастае шматкратна. Менавіта на супрацоўніцтва паміж прадстаўнікамі СМІ з розных краін зрабіла акцэнт заведуючая кафедрай замежнай журналістыкі і літаратуры Інстытута журналістыкі БДУ, доктар філалагічных навук прафесар Таццяна Дасаева падчас навуковай канферэнцыі, якая адбылася ў Інстытуце журналістыкі БДУ.


Намеснік міністра інфармацыі Алесь Карлюкевіч зачытаў прывітальны ліст ад міністра інфармацыі Ліліі Ананіч. У звароце да ўдзельнікаў канферэнцыі міністр звярнула ўвагу на тое, што сёння сродкі масавай інфармацыі і масавай камунікацыі з’яўляюцца не толькі каналам для перадачы інфармацыі, але і эфектыўным інструментам для фарміравання і праектавання глабальных палітыка-эканамічных рэалій. У такіх умовах адказнасць журналістаў за вынікі сваёй прафесійнай дзейнасці павялічваецца шматкратна і набывае статус важнейшай сацыяльна-палітычнай катэгорыі. Міністр нагадала, як важна для СМІ заставацца ў падобных умовах адкрытымі і праўдзівымі. Правядзенне канферэнцыі не толькі дапаможа падзяліцца вынікамі навуковых даследаванняў у актуальнай сферы, але і знайсці новыя кантакты, устанавіць сувязі для далейшай сумеснай працы.

Ад сябе намеснік міністра пажадаў, каб навуковыя напрацоўкі ўдзельнікаў канферэнцыі былі рэалізаваныя ў практычнай дзейнасці беларускіх і замежных журналістаў.

Вынікам традыцыйнай для БДУ сустрэчы стала выданне зборніка артыкулаў "Міжнародная журналістыка-2017: ідэя інтэграцыі інтэграцый". Плануецца, што гэтая кніга стане дапаможнікам для выкладчыкаў і падручнікам для студэнтаў Інстытута журналістыкі.

Рагнеда ЮРГЕЛЬ

Выбар рэдакцыі

Культура

Што сiмвалiзуе ўнiкальны габелен з выявай Мацi-Беларусi, i хто ўвасоблены ў вобразе франтавой медсястры

Што сiмвалiзуе ўнiкальны габелен з выявай Мацi-Беларусi, i хто ўвасоблены ў вобразе франтавой медсястры

У Гродне падчас святкавання Дня Незалежнасцi прадстаўлены габелен, якi выткалi спецыяльна да 75-годдзя Вялiкай Перамогi. 

Грамадства

Запусцілі найноўшы спецыялiзаваны комплекс для падрыхтоўкi судовых экспертаў

Запусцілі найноўшы спецыялiзаваны комплекс для падрыхтоўкi судовых экспертаў

Дзяржаўнаму камiтэту судовых экспертыз споўнiлася сем гадоў.