Вы тут

Беларусь выступіць у фінале «Еўрабачання» пад нумарам 19


Канчатковы парадак выступлення ўсіх удзельнікаў у фінале міжнароднага песеннага шоу вызначылі прадзюсары і зацвердзіла кіраўніцтва Еўрапейскага вяшчальнага саюза. Так, адкрые канцэрт прадстаўніца Мальты Мікела, а завершыць яго прадстаўнік Іспаніі Мікі — вось такое забаўнае супадзенне. Беларуская артыстка ЗЕНА атрымала нумар 19, што з пункту гледжання запамінальнасці вельмі няблага. Усяго ж на конкурснай сцэне ў Тэль-Авіве прагучаць песні 26 краін — гэта так званая вялікая пяцёрка краін-заснавальніц (Вялікабрытанія, Германія, Іспанія, Італія, Фіранцыя), Ізраіль як краіна-гаспадыня сёлетняга «Еўрабачання», і па 10 лідараў з кожнага паўфіналу.


Нацыянальныя журы ацанілі выступленні фіналістаў ужо ўчора падчас генеральнай рэпетыцыі, а сёння чарга за гледачамі, якія выявяць свае сімпатыі ў СМС, а тыя трансфармуюцца ў балы — ад 1 да 12. Тэлефонныя нумары для галасавання будуць абвешчаныя каментатарамі падчас прамога эфіру і абазначаны графікай на тэлеэкранах. Балы ад нашай краіны, дарэчы, абвесціць абаяльная Марыя Васілевіч — «Міс Беларусь — 2018» і «Міс свету Еўропа» (а ў хуткім часе і новая тэлевядучая — з 24 мая Марыя будзе весці папулярную праграму «Добрай раніцы, Беларусь!» у дуэце з каментатарам «Еўрабачання» Яўгенам Перліным).

Як зазначае дырэктар і тата беларускай канкурсанткі Аляксандр Купрыяновіч, настрой у ЗЕНЫ і ўсёй каманды «нармальны, баявы — мы нацэлены паказаць як мага лепшы вынік». І для такога настрою ёсць падставы: Беларусь выйшла ў фінал «Еўрабачання-2019», нягледзячы на тое, што букмекеры адводзілі нашай прадстаўніцы 33—34 выніковае месца. Магчыма, і ў прагнозах на перамогу яны памыліліся? Даведаемся ў ноч з 18 на 19 мая, а пакуль што — удачы канкурсантам і станоўчых эмоцый гледачам!

Вікторыя ЦЕЛЯШУК

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.