Вы тут

Фінішаваў маладзёжны марафон «75»


Ля Мемарыяльнага комплексу «Курган Славы» — аднаго з самых вядомых сімвалаў Перамогі — сёння адбыўся ўрачысты мітынг. Удзельнікі праекту «Маладзёжны марафон «75», прысвечанага юбілейнай даце вызвалення Беларусі ад нямецка-фашысцкіх захопнікаў, завяршылі тут свой шлях па мясцінах баявой славы нашай краіны.


Падчас мітынгу яго ўдзельнікі, сярод якіх актывісты БРСМ, ветэраны, прадстаўнікі ўлады і ўзброеных сіл, усклалі кветкі і гірлянду памяці да п’едэстала помніка.

— У гэтым помніку ўвасоблена несакрушальная воля да Перамогі герояў абарончых баёў 1941 года, мужнасць беларускіх партызан, бяспрыкладны подзвіг байцоў, камандзіраў і палкаводцаў трох Беларускіх і Прыбалтыйскага франтоў, — адзначыў другі сакратар Цэнтральнага камітэта БРСМ Алег ДЗІКУН.

— Ва ўсіх гарадах, якія наведалі марафонцы, нас вельмі цёпла сустракалі. Было шмат жадаючых перадаць фотаздымкі з сямейнага архіву для нацыянальнага альбома. Мы сабралі каля двух тысяч фатаграфій абаронцаў Радзімы, усе яны ўвойдуць у альбом «Родныя твары Перамогі», у тым ліку ў электроным выглядзе — на дыску. Але галоўны вынік марафона — не матэрыяльны: гэта памяць пра тых люзей, якія адстаялі для нас свабоду. Важна, каб гэта памяць захавалася і працягвала жыць, у тым ліку і сярод моладзі.

Курган Славы стаў апошняй кропкай маршрута «Маладзежнага марафона «75», але на гэтым патрыятычны праект не заканчваецца. Альбом і палотнішча «Беларусь памятае!» з імёнамі нашых суайчыннікаў, герояў СССР, поўных кавалераў Славы, у Дзень Незалежнасці ўрачыста перададуць у Беларускі дзяржаўны музей Вялікай Айчыннай вайны.

Андрэй САЗОНАЎ

Фота аўтара

Выбар рэдакцыі

Спорт

«Людзі думаюць, што ўсёмагутныя і — разбіваюцца»

«Людзі думаюць, што ўсёмагутныя і — разбіваюцца»

Ці так небяспечны парашутны спорт, як здаецца на першы погляд?

Грамадства

Дзе знаходзяць падтрымку бацькі асаблівых малых?

Дзе знаходзяць падтрымку бацькі асаблівых малых?

Стаялі ў калідоры і ўспаміналі першыя крокі ў выхаванні сваіх асаблівых дзетак.

Культура

«Калі чалавецтва зноў паставіць перад сабой высокія пытанні, яно мяне ўспомніць»

«Калі чалавецтва зноў паставіць перад сабой высокія пытанні, яно мяне ўспомніць»

Пагутарылі з дачкой вядомага ўраджэнца Віцебска Лазара Хідэкеля.