Вы тут

"Настаўнік года": умовы адбору лепшых змяніліся...


Конкурс прафесійнага майстэрства педагогаў "Настаўнік года Рэспублікі Беларусь", які стартуе восенню гэтага года, упершыню пройдзе па новых правілах.

Лепшых педагогаў збіраюцца вызначыць адразу ў сямі намінацыях: "Фізіка, астраномія, матэматыка, інфарматыка"; "Замежная мова"; "Беларуская мова і літаратура, руская мова і літаратура"; "Музыка, выяўленчае мастацтва, працоўнае навучанне, чарчэнне, фізічная культура і спорт, дапрызыўная падрыхтоўка"; "Гісторыя, грамадазнаўства, геаграфія, хімія, біялогія".

Таксама асобна за званне лепшага педагога будуць змагацца настаўнікі пачатковай школы і педагогі дашкольнай адукацыі. Першы этап пройдзе ў сценах устаноў адукацыі, другі этап — раённы (гарадскі), трэці — абласны і чацвёрты — заключны рэспубліканскі. Фінал конкурсу пройдзе восенню 2014 года.

Нагадаем, што рэспубліканскія конкурсы педагагічнага майстэрства праводзяцца, пачынаючы з 1995 года, з перыядычнасцю раз у два—тры гады. Пераможцам апошняга конкурсу "Настаўнік года Рэспублікі Беларусь" стала ў 2011 годзе настаўніца англійскай мовы дзятлаўскай гімназіі № 1 Інэса Зубрыліна. У першым этапе конкурсу па ўсёй краіне ўзялі ўдзел каля 10 тысяч педагогаў, а ў заключным этапе былі прадстаўлены настаўнікі беларускай і рускай мовы і літаратуры, фізікі, замежнай мовы, матэматыкі, біялогіі, гісторыі, хіміі, геаграфіі і пачатковых класаў. І ніякіх праблем з тым, каб параўнаць педагагічны талент настаўніка фізікі і, скажам, беларускай мовы ў журы не ўзнікала.

Лепшага педагога дашкольнай установы ў Беларусі пакуль не вызначалі. Але ў тым жа 2011 годзе прайшоў першы рэспубліканскі конкурс сярод дашкольных устаноў. Калі прымалася рашэнне аб яго правядзенні, разглядаліся розныя варыянты: праводзіць конкурс або сярод выхавальнікаў, або сярод дашкольных устаноў. Два гады таму вырашылі спыніцца на другім варыянце, паколькі палічылі, што асяроддзе, у якім знаходзіцца дзіця, трэба ацэньваць у цэлым, паколькі ўсё лепшае, што яго акружае, стваралася не адным педагогам, а ўсім калектывам. Цяпер жа "прафесійная дыскрымінацыя" ліквідавана: сярод педагогаў дашкольных устаноў таксама будуць вызначаць лепшага.

Надзея НІКАЛАЕВА.

Выбар рэдакцыі

Грамадства

Беларускі Чырвоны Крыж працягвае аказваць дапамогу падчас пандэміі і іншых надзвычайных сітуацый

Беларускі Чырвоны Крыж працягвае аказваць дапамогу падчас пандэміі і іншых надзвычайных сітуацый

Каля мільёна чалавек атрымала падтрымку ў выглядзе прадуктовых набораў, ваўчараў, якія можна было «атаварыць», грашовых сродкаў, дастаўкі прадуктаў на дом, а таксама простай размовы па тэлефоне «гарачай лініі» са спецыялістам.

Грамадства

Матывацыя праз гейміфікацыю, або як працуюць механізмы гульні ў адукацыі

Матывацыя праз гейміфікацыю, або як працуюць механізмы гульні ў адукацыі

Вядома, што гульня здольная захапіць усю ўвагу чалавека і не адпускаць яе доўгі час.

Культура

Падмурак Трэцяга Рэнесансу закладваецца ва Узбекістане

Падмурак Трэцяга Рэнесансу закладваецца ва Узбекістане

У Ташкенце прайшлі Тыдзень культурнай спадчыны Узбекістана і ІV Міжнародны кангрэс Сусветнага таварыства па вывучэнні, захаванні і папулярызацыі культурнай спадчыны Узбекістана «Культурная спадчына Узбекістана — падмурак новага Рэнесансу».

Грамадства

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елкі, вывезеныя на смеццевыя палігоны, падчас гніення выдзяляюць у асяроддзе шкодныя рэчывы не горш за пластык.