На жаль, адзіны ў нашай краіне аўтамабіль Chevrolet Monte Carlo, які (вы не паверыце!) танцуе, а таксама... працуе дыджэем, ад'ехаў з фестывальнага Віцебска. Але ўражаннямі аб ім будуць дзяліцца яшчэ доўга, бо гэты «цуд» тэхнікі нікога з тых, хто яго бачыў, не пакінуў абыякавым.
Шыкоўнае рэтра-аўто, вырабленае амаль што 40 гадоў таму, было ў эпіцэнтры ўвагі прахожых і аўтамабілістаў падчас Дня моладзі на «Славянскім базары ў Віцебску». Супрацоўнікі ДАІ шчыра дапамагалі рарытэту хутчэй выехаць на дарогу, прыпаркавацца, даехаць, куды трэба...
Безумоўна, выставамі старой тэхнікі ўжо нікога асабліва не здзівіш, але грамадскаму аб'яднанню «АўтаАмерыка» дзякуючы Chevrolet Monte Carlo і іншым «колам» гэта ўдалося.
— Наш Chevrolet Monte Carlo — унікальны. Такіх машын у Еўропе яшчэ толькі дзве, — расказвае Аляксандр Шурын, старшыня аб'яднання «АўтаАмерыка».
Аўто можа танцаваць дзякуючы спецыяльнай пнеўматычнай падвесцы, падымае колы ў такт музыцы, прысядае... Яно мае магутнае гукавое абсталяванне: калі ўжо «выдасць» музыку — дык будзе чутно за кіламетры.
У салоне карэспандэнты «Звязды» ўбачылі аўтограф. Зразумела, каб дазволіць «сапсаваць» панэль машыны, аб якой мараць калекцыянеры, трэба вельмі паважаць таго, хто распісаўся. Высветлілася, што аўтограф пакінуў Bіg Dane, прадстаўнік кампаніі «West Coast Customs», вядучы тэлевізійных праектаў: MTV — «Тачку на прапампоўку» і DІSCOVERY «Круты цюнінг». Безумоўна, гэтага абаяльнага чарнаскурага мужчыну ведаюць усе, хто цікавіцца аўтатэхнікай.
Chevrolet Monte Carlo — пераможца мноства замежных выстаў старой тэхнікі. Цікава, што ў Польшчы аўто заваявала «бронзу» сярод каля 80 рарытэтных «колаў». Кубкі, якія ўручылі ўладарам аўто-прызёраў, былі напоўнены шампанскім!
— Сярод членаў аб'яднання — людзі розных узростаў і прафесій, для якіх машына — не сродак руху, а хобі. Вядома, рарытэтнае аўто — стратнае захапленне. Але немагчыма ацаніць грашыма тое, што цікавіць, куды ўкладваеш душу. Усяго наш клуб прадстаўляе каля 80 рарытэтных аўто. Адна з апошніх навінак — легендарны «Форд Т», выраблены ў 1924 годзе. Па «ўзросце» — самы стары ў рэспубліцы. Яго даставілі з Канады, — працягвае Аляксандр.
Удзельнікаў аб'яднання «АўтаАмерыка» часта запрашаюць на выставы, прабегі. Чарговы выезд — у Літву, дзе адбудзецца традыцыйная выстава рэтра-аўтамабіляў.
Акрамя выставы рэтра-аўто, у Дзень моладзі было яшчэ шмат цікавага.
Працавалі майстар-класы ад прадстаўнікоў маладзёжных танцавальных калектываў і субкультур, выставы «СуперБайк», «ТэхнаГрад». Увечары адбыўся фінал традыцыйнага рэспубліканскага конкурсу «Бітва дыджэяў».
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.