«Я ведаю, што мне засталося жыць толькі кароткі час. Два ці тры гады, і затым я апынуся ў доме Госпада», — сказаў ён журналістам у самалёце па шляху ў Ватыкан з Паўднёвай Карэі, дзе ён знаходзіўся з пяцідзённым апостальскім візітам.
«Я абдумваю свае грахі, памылкі, імкнуся пазбягаць ганарыстасці. І ўсё таму, што дні мае злічаны», — прыводзіць словы 77‑гадовага пантыфіка індыйская газета «Hіndustаn Tіmеs». Крыніцы ў Ватыкане пацвердзілі, што Папа і раней гаварыў пра ўласную смерць у вузкім коле, аднак цяпер упершыню падзяліўся думкамі аб гэтым з журналістамі. У гутарцы з імі на борце самалёта Францыск згадаў аб магчымасці свайго сыходу з пасады, як гэта зрабіў летась яго папярэднік Бенедыкт ХVІ, у выпадку, калі ён не зможа далей выконваць свае абавязкі. 60 гадоў таму сыход у адстаўку біскупаў каталіцкай царквы быў практычна немагчымым, аднак цяпер «Бенедыкт ХVІ адчыніў дзверы», — дадаў Папа.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.