Чэмпіянат свету па біятлоне сярод юнакоў і юніёраў афіцыйна стартаваў. У «Раўбічах» учора ўжо адбыліся першыя гонкі (пра гэта чытайце асобна на нашых старонках), а напярэдадні на плошчы Дзяржаўнага сцяга Рэспублікі Беларусь прайшла святочная цырымонія адкрыцця спаборніцтваў.
Апошнімі днямі ў сталіцы па-сапраўднаму прымарозіла, але надвор'е ўсё роўна не перашкодзіла гледачам прыйсці будным вечарам і падтрымаць перад стартамі ўдзельнікаў чэмпіянату. Замерзнуць нікому не дазвалялі беларускія артысты, якія прымушалі ўсіх скакаць і танцаваць. Зразумела, большая частка апладысментаў у гэты вечар дасталася нашым біятланістам. Аднак і ўдзел у гэтым першынстве такіх экзатычных для біятлона краін, як Бразілія, Аўстралія і Новая Зеландыя, таксама выклікае павагу. Каб трапіць на чэмпіянат, маладым біятланістам з гэтых краін прыйшлося пераляцець на другі канец планеты!
— Ад імя ўрада Беларусі і арганізацыйнага камітэта па падрыхтоўцы і правядзенні чэмпіянату свету па біятлоне я рада вітаць вас у нашай краіне, — звярнулася да гасцей віцэ-прэм'ер урада Беларусі Наталля Качанава. — У нас любяць спорт і мы рады таму, што сёлета менавіта ў Беларусі праходзіць гэты чэмпіянат. Мы пастараліся стварыць усе неабходныя ўмовы для яго правядзення. Упэўнена, што гэтыя спаборніцтвы стануць святам для многіх аматараў біятлона, падораць нам шмат яркіх і незабыўных момантаў.
[caption id="attachment_72257" align="alignnone" width="600"] На п'едэстале пераможцы жаночай індывідуальнай гонкі Інгрыд Тандрэволд, Ганна Крыванос і Лізавета Капліна.[/caption]
А вось Віктар Майгураў, віцэ-прэзідэнт Міжнароднага саюза біятланістаў, назваў арэну ў «Раўбічах» суперстадыёнам. Што казаць, яшчэ адзін рэверанс у бок нашага комплексу. Але калі яго робіць трохразовы чэмпіён свету, які бачыў найлепшыя біятлонныя пляцоўкі свету, прыемна ўдвайне.
— Мы былі прыемна здзіўлены комплексам. Дзякуй за добрую падрыхтоўку, — шчыра прызналася 20-гадовая Настасся Мяркушына, лідар юнацкай зборнай Украіны, якая ўжо не першы раз у Беларусі.
— Эмоцыі перад гонкамі проста зашкальваюць. Каму прысвячу перамогу, калі яе атрымаю? Перад стартам пра гэта не думаю, аднак мяркую, калі атрымаецца, сваёй сястры.
А вось нарвежка Элін Груе, у адрозненне ад Настассі, у Беларусі ўпершыню. Але ўжо паспела станоўча ацаніць трасу, атэль, дзе пражывае яе зборная, і называе нашу сталіцу «добрым горадам».
Цырымонія завяршылася, але спартсмены не спяшаліся пакідаць плошчу. Многія стаялі ў чарзе, каб зрабіць на памяць сэлфі з ваверчанём, талісманам чэмпіянату. Наўрад ці нехта з іх у гэты момант задумваўся, што пройдзе некалькі гадоў і ўжо, магчыма, да іх будуць выстройвацца ў чэргі па фота.
Тарас ШЧЫРЫ.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.