Вы тут

Моцны прысуд пакінулі без змен


Магілёўскі абласны суд палічыў довады касацыйнай скаргі былой маці-выхавальніцы Ірыны Моцнай не пераканаўчымі.

Газета працягвае сачыць за падзеямі вакол былога дзіцячага дома сямейнага тыпу Віктара і Ірыны Моцных з Клімавіч, у сям'і якіх выхоўвалася 6 непаўналетніх прыёмных дзяцей. Летась 12 ліпеня дзейнасць гэтага дома была спынена, паколькі сталі вядомы факты неналежнага выхавання дзяцей. Жанчына абвінавачвалася ў тым, што яна прымяняла недапушчальныя фізічныя метады пакарання сваіх выхаванцаў, пакідала іх на іншых асоб без дазволу органаў апекі. Нагодай для перадачы справы ў следчыя органы Клімавіцкага раёна, а потым і суд стаў зварот родных пацярпелых дзяцей. Жанчына абвінавачвалася адразу па некалькіх крымінальных артыкулах — 154 (частка 2), 176, 183 (частка 1). 19 снежня ў Клімавіцкім судзе Ірыне Моцнай было вынесена пакаранне ў выглядзе 4 гадоў пазбаўлення волі з адбываннем тэрміну ў папраўчай калоніі агульнага рэжыму. Але жанчына падала касацыйную скаргу ў вышэйшую ўстанову.

5 сакавіка ў абласным судзе адбылося закрытае пасяджэнне, на якім гэтая скарга была разгледжана. Па словах намесніка старшыні абласнога суда Святланы Бурак, Ірына Моцная не здымала з сябе віны, але прасіла больш мяккага пакарання. Але довады, якія яна прывяла, аказаліся не пераканаўчымі, і было прынята рашэнне пакінуць прысуд без змен. Жанчына мае законнае права аспрэчыць рашэнне абласнога суда ў парадку нагляду.

Нэлі ЗІГУЛЯ

Выбар рэдакцыі

Грамадства

Як змагацца з шумнымі суседзямі?

Як змагацца з шумнымі суседзямі?

Перш чым ісці вайной на суседзяў, варта вывучыць «Правілы карыстання жылымі памяшканнямі».

Эканоміка

Чым здзівіць «БЕЛАГРА-2024»?

Чым здзівіць «БЕЛАГРА-2024»?

У рамках дзелавой праграмы выставы пройдзе каля 20 тэматычных семінараў і канферэнцый.