Вы тут

Чытанне... навобмацак


Навуковая бібліятэка БНТУ, праект «ЗаЧытанне» і праграма «Мівія» запусцілі ўнікальны для Беларусі дабрачынны праект па стварэнні тактыльных копій сучасных дзіцячых кніг для дзяцей-інвалідаў па зроку — «Тактыльныя кнігі». Падобныя методыкі інклюзіўнага навучання на аснове працы з кнігай у Беларусі яшчэ не практыкаваліся.

У рабоце зараз знаходзіцца тактыльная копія кніжкі-карцінкі «Гісторыя пра маленькага труса» Каці Талстой. Гэта вельмі добрая філасофская дзіцячая кніжка, карцінкі ў якой складаюць такую ж важную частку гісторыі, як і тэкст.

Перад запускам праекта быў вывучаны расійскі і замежны досвед, атрыманы дазвол расійскага выдавецтва, адабраны фактурныя тканіны для таго, каб паўтарыць кніжныя ілюстрацыі ў выглядзе тактыльных аплікацый.

Майстар робіць загатоўкі аднаго развароту кнігі, а на сустрэчы праводзіць для добраахвотнікаў майстар-клас па яго пашыўцы. Такім чынам цягам пяці заняткаў адным удзельнікам поўнасцю паўтараецца адна кніга. У праекце задзейнічаны дзеці і бацькі, якія сумеснымі намаганнямі ствараюць кнігі для дзетак са слабым зрокам. Далучыцца могуць усе ахвотныя. Першыя дзве сустрэчы ўжо прайшлі. Наступныя адбудуцца 14, 28 сакавіка і 11 красавіка ў Навуковай бібліятэцы БНТУ (вуліца Якуба Коласа, 16, у 11 гадзін).

14 сакавіка на сустрэчы будзе прысутнічаць эксперт — інвалід па зроку, які пратэсціруе ўжо пашытыя старонкі кнігі, дасць парады і правядзе майстар-клас па напісанні шрыфтам Брайля.

Па выніках усіх майстар-класаў плануюць выпусціць відэаінструкцыю па вытворчасці тактыльных кніг, якая будзе даступная ў інтэрнэце для ўсіх ахвотных.

Надзея НІКАЛАЕВА

Выбар рэдакцыі

Спорт

Сяргей Кавальчук: У спорце вышэйшых дасягненняў адна мэта — быць лепшымі

Сяргей Кавальчук: У спорце вышэйшых дасягненняў адна мэта — быць лепшымі

Міністр спорту і турызму пра жыццё беларускага спорту. Шчыра і аб’ектыўна.

Грамадства

Хто рызыкуе захварэць на рак малочнай залозы?

Хто рызыкуе захварэць на рак малочнай залозы?

На першым месцы — спадчынны фактар.  

Грамадства

Чаму важна аднаўляць балотныя экасістэмы?

Чаму важна аднаўляць балотныя экасістэмы?

Балоты непарыўна звязаныя з культурай і гісторыяй беларускага народу. 

Здароўе

Чаму беларусы не спяшаюцца прышчапляцца?

Чаму беларусы не спяшаюцца прышчапляцца?

Праз які час праводзіць рэвакцынацыю ад COVІD-19 і ці патрэбна яна ўвогуле?