Робім букет з цюльпанаў

Спатрэбіцца:

• Тканіна для бутонаў. Вельмі міла глядзяцца букеты з рознакаляровых цюльпанаў. Галоўнае, каб тканіна не была занадта шчыльнай. Таксама не рэкамендуецца выкарыстоўваць трыкатаж.
• Тканіна для сцёблаў і лісця. Вядома, зялёная. Хоць ніхто не забараняе і паэксперыментаваць. Цікава глядзяцца зялёныя сцябліны ў дробную клетачку або ў гарошак.
• Матэрыял для набівання.
• Палачка або аловак для набівання. У якасці асновы сцябла таксама можна выкарыстоўваць нешта цвёрдае: гэта можа быць і драўляная шпажка, і кавалак кабелю.

Рыхтуем шаблон для дэталяў нашага цюльпана:

• Сцябло — 1 дэталь (складваецца напалам)
• Лісток — 2 дэталі
• Бутон — 2 дэталі

Прыкладныя памеры бутона: 9 см у вышыню, 5,2 см у аснове і 5,5 см пасярэдзіне. Ліст можа быць 16,5 см у даўжыню і 5,5 см у шырыню (сярэдзіна). Сцябло — 20 х 2 см. Не забудзьцеся аб прыпусках на швы.

Робім сцябло: згінаем наш вузкі прамавугольнік, абшываем яго, пакідаючы адтуліну для выварочвання. Атрымліваецца нешта накшталт чахла. Выварочваем сцябло і шчыльна набіваем з дапамогай палачкі або ўмацоўваем кабелем, шпажкай ці чым іншым.

Бярэмся за ліст. Акуратна сшываем дзве паловы ліста (ніз не прашываць), выварочваем, прасуем.

Можна зрабіць строчку па боку ліста — ён будзе выглядаць лепш.

Пераходзім да бутона. Сшываем палавінкі. Выварочваем бутон і шчыльна набіваем.

Прышываем бутон да сцябла, зацягваючы нітку як мага мацней.

Затым патаемным швом прышываем да сцябла ліст.

Цюльпан гатовы!

Вельмі прыгожа выглядае букет з 7 і больш цюльпанаў. А яшчэ гэтыя цюльпаны — выдатны падарунак!