З 16 ліпеня «Белавія» ўводзіць два дадатковыя рэгулярныя рэйсы з Мінска ў міжнародны аэрапорт «Адэса». Такім чынам, авіякампанія будзе ажыццяўляць 12 рэйсаў на тыдзень па маршруце Мінск — Адэса — Мінск.
Выкананне дадатковых рэйсаў запланавана па аўторках і суботах на самалётах Boeіng 737-300 у двухкласнай кампаноўцы. Паветраныя барты будуць вылятаць з Мінска ў 0.20, а прылятаць у Адэсу ў 1.40. Зваротныя рэйсы будуць адпраўляцца з Адэсы ў 3.30, а прыбываць у Мінск у 5.00, паведаміла спецыяліст па сувязях з грамадскасцю «Белавія» Вольга Шчуко.
Нагадаем, што з 17 чэрвеня авіякампанія ўжо ўвяла тры дадатковыя рэйсы ў Адэсу з Мінска па панядзелках, серадах і пятніцах з вылетам у аналагічны час.
Такім чынам, колькасць рэйсаў, што выконваюцца авіякампаніяй «Белавія» ў гарады Украіны, вырасце да 54-х у тыдзень. На цяперашні момант беларускі перавозчык лётае ў наступныя ўкраінскія паветраныя гавані: аэрапорт «Барыспаль», міжнародны аэрапорт «Кіеў» (Жуляны) міжнародны аэрапорт «Харкаў», міжнародны аэрапорт «Адэса».
Таксама ў рамках пагаднення аб сумеснай эксплуатацыі рэйсаў з украінскай авіякампаніяй «Матор Січ» на сайце www.belavіa.by можна набыць квіткі па яшчэ адным украінскім маршруце Запарожжа — Мінск — Запарожжа.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
