На тэрыторыі краіны на працягу сутак назіраліся неспрыяльныя метэаралагічныя ўмовы, якія праявіліся ў выглядзе снегападу. Затораў на аўтамабільных дарогах зарэгістравана не было, паведамілі ў Міністэрстве па надзвычайных сітуацыях.
У Пружанскім і Драгічынскім раёнах выпала 13 і 10 міліметраў снегу адпаведна. У Брэсцкай вобласці падраздзяленні МНС аказвалі дапамогу ў вызваленні са снежных заносаў трох транспартных сродкаў — грузавіка і двух легкавікоў, у якіх знаходзілася пяць чалавек. Убралі ўпаўшыя дрэвы з праезнай часткі. Пацярпелых не было.
На расчыстцы дарог і ўборцы снегу давялося задзейнічаць больш за 2,1 тысячы адзінак тэхнікі і больш за 4,1 тысячы чалавек з розных арганізацый. Па дадзеных «Белэнерга», на працягу сутак на тэрыторыі краіны перыядычна парушалася электразабеспячэнне 144 населеных пунктаў.
Сяргей РАСОЛЬКА
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
