Вы тут

Бязвізавую турыстку з Кітая сустрэлі ў Нацыянальным аэрапорце Мінск


Бязвізавую турыстку з Кітая, якая прыляцела адной з першых, сёння сустрэлі ў Нацыянальным аэрапорце Мінск са кветкамі.


Фота БЕЛТА

З госцяй па імені Лі Ен пагутарыў намеснік міністра спорту і турызму Міхаіл Партной, пасля чаго свае пытанні задалі журналісты. У прыватнасці, Лі Ен прызналася, што прыехала ў Беларусь упершыню. Пра тое, што наведаць краіну можна без беларускай візы (у выпадку з грамадзянамі Кітая для гэтага патрэбна толькі шэнгенская віза), дзяўчына даведалася ад калег. Турыстка распавяла, што сёе-тое ўжо ведае пра Беларусь - напрыклад, што гэта прыгожая краіна, у якой жывуць выдатныя людзі. Яна плануе ў першую чаргу паглядзець Мінск і наведаць некаторыя музеі. "Я ведаю, што тут смачная ежа і шмат снегу зімой", - распавяла Лі Ен.

Яна таксама паказала журналістам пашпарт, дзе адсутнічае беларуская віза. У Кітаі дзяўчына працуе авіядыспетчарам.

Як паведамлялася, пяцідзённы бязвізавы рэжым для грамадзян 80 краін пачаў дзейнічаць сёння ў Беларусі. Прыехаць без візы могуць грамадзяне 39 краін Еўропы, уключаючы ўвесь Еўрасаюз, а таксама Бразіліі, Інданезіі, ЗША, Японіі і іншых дзяржаў. У першую чаргу гэта спрыяльныя ў міграцыйным плане краіны, стратэгічныя партнёры Беларусі, дзяржавы, што у аднабаковым парадку ўсталявалі бязвізавы рэжым у дачыненні да беларускіх грамадзян.

Для грамадзян В'етнама, Гаіці, Гамбіі, Гандураса, Індыі, Кітая, Лівана, Намібіі, Самоа абавязковым дадатковым патрабаваннем з'яўляецца наяўнасць у дакуменце для выезду за мяжу сапраўднай шматразовай візы дзяржаў ЕС або Шэнгенскай зоны з адзнакай аб уездзе на іх тэрыторыю, а таксама авіябілетаў з пацвярджэннем ў іх вылету з Нацыянальнага аэрапорта Мінск на працягу 5 дзён з даты ўезду.

БЕЛТА

Выбар рэдакцыі

Грамадства

Аднапакаёвыя кватэры імкліва даражэюць

Аднапакаёвыя кватэры імкліва даражэюць

Прычына — даступныя крэдыты і ажыятажны попыт.

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.