У той час як 67-ы Берлінскі кінафестываль, што завяршыўся 18 лютага, толькі-толькі падвёў вынікі і назваў пераможцам венгерскую карціну «Пра цела і душу» Ільдзіка Эньедзі, у абмежаваны мінскі пракат выходзіць уладальнік «Залатога мядзведзя» мінулага Берлінале.
Для дакументальнай карціны «Мора ў агні» Джанфранка Розі вылучана толькі тры паказы, якія адбудуцца 24, 26 і 27 лютага ў кінатэатры «Цэнтральны». Яна расказвае пра дні італьянскага вострава Лампедуза, праз які праходзяць тысячы мігрантаў у пошуках акна ў Еўропу.
...Рэжысёр прыехаў на Лампедузу, каб зняць дзесяціхвілінную кароткаметражку пра жыхароў вострава. Урач, да якога той звярнуўся з бранхітам, расказаў шмат цікавых рэчаў пра сваю практыку з мігрантамі — яны тысячамі, калі жывыя, то знясіленыя, прыбываюць на Лампедузу як на перавалачны пункт, каб далей адправіцца шукаць лепшага жыцця ў Еўропе. У выніку Джанфранка Розі застаўся тут на паўтара года і стварыў поўнаметражную карціну пра трагедыю сучаснасці. Фільм аказаўся не проста кан'юнктурным — бо тэма мігрантаў апошнім часам прыносіць творцам шмат перамог, — а адной з найважнейшых кінакарцін года, якую нельга прапускаць.
Эксклюзіўныя паказы пераможцы Берлінале пройдуць у рамках праекта «Лістапад. Калекцыя».
Ірэна КАЦЯЛОВІЧ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
