Вы тут

Абмежавальныя дыеты засталіся ў мінулым


Абмежавальныя дыеты засталіся ў мінулым. Іх шкода даказана. Як і непамерныя перагрузкі ў трэнажорнай зале. Што да рацыёну, то яго нельга зводзіць да нейкіх там рысу ці яблыкаў — пра гэта ўжо крычаць дыетолагі кожнай краіны. Неабходна поўнасцю мяняць свой лад жыцця, а з ім і харчаванне. Не ведаеце як — спытайце лепш у таго ж тэрапеўта. І майце на ўвазе яшчэ некалькі важных момантаў.


Генетыку ніхто не адмяняў. На сёння вядома вялікая колькасць фактараў, якія кантралююць у нашым арганізме вагу. Таму на першы план выходзіць выключна індывідуальны падыход, а не кефірныя парады ад зорак эстрады.

Вядома, што прыбаўцы вагі спрыяюць такія гармоны, як інсулін, картызол, пралакцін, а вось распаду тлушчу дапамагаюць палавыя гармоны, гармоны шчытападобнай залозы і гармон росту. З гэтага вынікае, што любыя нашы хранічныя захворванні, парушэнні нармальнага функцыянавання арганізма могуць прывесці як да зніжэння масы цела, так і да павелічэння. Хоць два самыя важныя аргументы — колькасць спажытых калорый і дастатковая фізічная нагрузка не адмяняюцца ў любым выпадку.

Дзесьці пасля 30 гадоў мышачная тканка змяншаецца, а таму зніжаецца і хуткасць абмену рэчываў. Таму дабраць ва ўзросце 50+ каля 2—3 кг лічыцца нармальным, але многія набіраюць значна больш менавіта з той прычыны, што не маюць дастатковай фізічнай нагрузкі, хоць есці працягваюць гэтак жа, як і 20 гадоў назад. Што яшчэ іграе адмоўную ролю, дык гэта стрэсы, пераадольваць якія, зноў жа, маглі б дапамагчы плаванне, хада і веласіпед.

Абмяркоўвайце з урачом-гінеколагам пытанне замяшчальнай гармонатэрапіі ў сувязі з надыходам менапаўзы. У Швецыі, напрыклад, яе прымяняюць да 80 працэнтаў жанчын. Такая тэрапія пазбаўляе пакутных прыліваў, зніжае рызыку сардэчна-сасудзістых захворванняў, абараняе косці.

Звярніце ўвагу на тырэатропны гармон (магчыма, трэба прайсці адпаведную тэрапію).

Сачыце за ўзроўнем вітаміну D, дэфіцыт якога назіраецца ў 90 працэнтаў насельніцтва, і можна сказаць, ва ўсіх гэтых людзей аўтаматычна можа парушыцца ўзровень палавых гармонаў, павялічваецца рызыка развіцця анкалогіі, алергічных захворванняў, цукровага дыябету. Важным момантам будзе і атрыманне тлустых кіслот амега-3. Так што ешце збожжавыя, алеі, яйкі, авакада, рыбу.

Важна, каб добра працавалі наднырачнікі, ды і наогул страўнікава-кішачны тракт — як засвойваецца ўсё, што мы ядзім?

Памерайце талію. У жанчын яна не павінна быць больш за 92 см, а ў мужчын — больш за 102. Калі гэтыя межы парушаны, значыць, фарміруецца метабалічны сіндром, узрастае рызыка сардэчна-сасудзістых і эндакрыналагічных захворванняў.

Святлана БАРЫСЕНКА

protas@zviazda.by

Загаловак у газеце: Пра талію і гармоны

Выбар рэдакцыі

Грамадства

Як абараніцца ад махляроў у сферы сучасных тэхналогій

Як абараніцца ад махляроў у сферы сучасных тэхналогій

Фішынг, вішынг — два кіты кіберзлачыннасці

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.