Прэзідэнт Беларусі Аляксандр Лукашэнка і Прэзідэнт Таджыкістана Эмамалі Рахмон учора падчас тэлефоннай размовы абмеркавалі стан і перспектывы развіцця двухбаковых адносін, паведаміла прэс-служба кіраўніка беларускай дзяржавы.
Прэзідэнты падкрэслілі зацікаўленасць у далейшым нарошчванні беларуска-таджыкскага супрацоўніцтва. Асаблівая ўвага была ўдзелена гандлёва-эканамічнай сферы, у тым ліку ўзаемадзеянню ў прамысловай і сельскагаспадарчай галінах, арганізацыі паставак тэхнікі ў Таджыкістан.
Лідары Беларусі і Таджыкістана таксама абмеркавалі ўзаемадзеянне краін на міжнародных пляцоўках і графік запланаваных адбыцца кантактаў. Аляксандр Лукашэнка запрасіў Эмамалі Рахмона наведаць з рабочым візітам Беларусь у межах правядзення сесіі Савета калектыўнай бяспекі АДКБ у Мінску. Адзначана, што візіт будзе спрыяць падтрыманню давернага палітычнага дыялогу, надасць імпульс гандлёва-эканамічным адносінам, пашырыць дагаворна-прававую базу.
Акрамя таго, падчас тэлефоннай размовы лідары дзвюх краін закранулі праблематыку міжнароднага і рэгіянальнага парадку дня. Кіраўнік беларускай дзяржавы цёпла павіншаваў свайго калегу з 65-гадовым юбілеем.
Надзея ЮШКЕВІЧ
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
