З гэтага года пры змене ўладальніка машыны не давядзецца наноў праходзіць тэхагляд — ён будзе пераходзіць «у спадчыну» ад папярэдняга ўладальніка. Пра гэта расказалі ва УДАІ ГУУС Мінгарвыканкама. Адпаведная норма замацавана ў пастанове Саўміна № 933 ад 6 снежня 2017 года.
Дакументам скарэкціраваны пералік выпадкаў, пры якіх работнікі «Белтэхагляду» пераносяць у дакумент (сертыфікат) звестак аб праходжанні тэхагляду. Апроч сітуацыі змены ўладальніка адзнака таксама пераносіцца пры: унясенні змяненняў у пасведчанне аб рэгістрацыі транспартнага сродку (тэхпашпарт); выдачы дубліката пасведчання аб рэгістрацыі транспартнага сродку; выдачы новага дакумента (сертыфіката) аб праходжанні дзяржтэхагляду.
Асноўная ўмова для пераносу адзнакі — пацвярджэнне факту выдачы дазволу на допуск транспартнага сродку да ўдзелу ў дарожным руху. Пастанова ўступіла ў сілу з пачатку года.
Сяргей РАСОЛЬКА
Што за таемнымі дзвярыма?