Вы тут

У попыце кухары і дырэктары


На аднаго сталічнага беспрацоўнага — 4,5 вакансіі.

На сёння ў Мінску налічваецца 10,5 тысячы вакансій. Асноўны попыт на кадры фарміруюць арганізацыі прамысловасці, будаўніцтва, аховы здароўя, прадастаўлення сацыяльных паслуг, гандлю, транспарту, адукацыі.


Сярод спецыялістаў найбольш запатрабаваны медыцынскія сёстры (640 свабодных месцаў на пачатак года), урачы (430) і інжынеры (349). У сталіцы не хапае таксама выхавацеляў, дырэктараў, менеджараў, фармацэўтаў і фельчараў. Калі казаць пра рабочыя прафесіі, то тут попытам перш-наперш карыстаюцца прадаўцы (295 вакансій), кухары (275) і кіроўцы аўтамабіля (273). Неабходны прыбіральшчыкі памяшканняў, муляры, электраманцёры, швачкі, маляры, слесары.

Вакансіі, на якія ахвотных больш, чым месцаў, — гэта ў асноўным некваліфікаваная праца: вартаўнік, лабарант, падсобны рабочы, прыбіральшчык тэрыторый, кантралёр на кантрольна-прапускным пункце, вахцёр.

Заробак ад тысячы рублёў утрымлівае толькі 727 прапаноў (гэта ўсяго сем працэнтаў ад агульнай колькасці вакансій у Мінску).

Наталля ЛУБНЕЎСКАЯ

Выбар рэдакцыі

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі. 

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.