У Пекіне сталі спаганяць плату за праезд на ліфце ў некаторых жылых дамах, паведамляе BBC News.
Першыя платныя ліфты ўсталявалі ў старых будынках на поўдні горада, дзе раней былі толькі лесвіцы. Пры аплаце выкарыстоўваецца тая ж тэхналогія, што і ў грамадскім транспарце. Каб трапіць у ліфт, неабходна паднесці да валідатара электронны білет, з якога будзе знята 0,2 юаня (каля 6 нашых капеек). Некаторыя жыхары вітаюць новаўвядзенне. Па словах 60-гадовай Ян Гуйсян, пасля з'яўлення платнага ліфта ёй больш не даводзіцца хадзіць па лесвіцы з цяжкімі сумкамі. У сацыяльных сетках карыстальнікі адрэагавалі на навіну скептычна. Паводле ацэнкі Beіjіng News, у сярэднім жыхары будуць траціць на аплату ліфтаў каля 100 юаняў штомесяц (больш за 30 рублёў).
Іван КУПАРВАС
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?