Жанчына ў Нацыянальным аэрапорце Мінск спрабавала правезці 11,5 кілаграма сярэбраных упрыгажэнняў на тэрыторыю ЕАЭС без дэкларавання і выплаты мытных плацяжоў.
Па інфармацыі Дзяржаўнага мытнага камітэта, ураджэнка Карэліі прыбыла ў Нацыянальны аэрапорт Мінск авіярэйсам Кіеў—Мінск і прайшла па «зялёным калідоры», прызначаным для перамяшчэння тавараў, якія не падлягаюць абавязковаму пісьмоваму дэклараванню. Выгляд і вага багажу, які перамяшчаўся, выклікалі падазрэнне ў мытнікаў, у сувязі з чым жанчыне прапанавалі прайсці праз «чырвоны калідор».
Па выніках агляду рэчаў з дапамогай скануючай тэхнікі было прынята рашэнне аб правядзенні мытнага надгляду. Сярод асабістых рэчаў жанчыны была знойдзена партыя ўпрыгажэнняў і аксесуары з серабра, расфасаваныя ў мяшэчкі: больш за тысячу адзінак брошак, ланцужкоў, запінак, заціскаў, гузікаў, спражак, зашпілек і іншых прадметаў. Уладальніца багажу растлумачыла, што набыла партыю ювелірных вырабаў у Турцыі для наступнага продажу. Па факце незаконнага перамяшчэння партыі ўпрыгажэнняў і аксесуараў мытняй «Мінск-2» пачаты адміністрацыйны працэс.
Сяргей РАСОЛЬКА
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?