Вы тут

Як камунальшчыкі Мінска рыхтуюцца да халадоў


Поўным ходам ідзе падрыхтоўка сталічнай гаспадаркі да асенне-зімовага перыяду. Як паведаміў намеснік генеральнага дырэктара па эксплуатацыі жыллёвага фонду і вытворчых пытаннях ГА «Мінская гарадская жыллёвая гаспадарка» Цімафей Крэмез, на сённяшні дзень выкананы такія мерапрыемствы, як рамонт дахаў і стыкаў сценавых панэляў, уцяпленне канструкцый агароджы, шэраг іншых неабходных работ.


На абслугоўванні жыллёва-камунальнай гаспадаркі сталіцы знаходзяцца 6700 жылых дамоў. Ва ўсіх праведзены работы па прамыўцы ацяпляльных сістэм. Таксама выкананы прафілактычныя мерапрыемствы на сістэмах электраабсталявання. Усе графікі работ узгоднены. На сённяшні дзень з 48 эксплуатацыйных участкаў пашпарты гатоўнасці ёсць на 14. Самы вялікі раён горада — Фрунзенскі — з пастаўленай задачай цалкам справіўся. Поўным ходам ідуць неабходныя работы па ўсім Мінску. Агульны працэнт атрыманых пашпартоў гатоўнасці па жылфондзе сталіцы складае на цяперашні момант 23 %. Па словах Цімафея Крэмеза, ацяпляльны перыяд пачнецца без праблем.

Узмоцненымі тэмпамі ідуць падрыхтоўчыя і рамонтныя работы на ЦЭЦ-2 і раённых кацельнях, а таксама на цепламагістралях. Па словах дырэктара філіяла «Мінскія цеплавыя сеткі» РУП «Мінскэнерга» Аляксандра Бузо, на цеплакрыніцах рамантуецца цеплавое і дапаможнае абсталяванне з тым, каб да 15 верасня ўсе асноўныя работы былі скончаны.

Што датычыцца цепласетак, то тут падрыхтоўка да асенне-зімовага сезона некалькі зацягнулася. Прычына аб'ектыўная: чэмпіянат свету па баскетболе сярод дзяўчат. З-за гэтага маштабнага спартыўнага свята тэрміны заканчэння работ крыху пасунуліся. Звычайна рамонт цепласетак заканчваецца да 1 верасня. Цяпер жа ён зацягнецца, хутчэй за ўсё, на месяц. Але, як адзначыў Аляксандр Бузо, у верасні ўсе работы будуць завершаны, адключэнні гарачай вады спыняцца, і асенне-зімовы перыяд горад сустрэне ў поўным узбраенні.

Сяргей КУЛАКОЎ

Загаловак у газеце: Як рыхтуемся да халадоў

Выбар рэдакцыі

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.

Грамадства

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. Буйныя крэдыты зараз лепш не браць. Паспрабуйце прывесці думкі і пачуцці ў парадак. І перастаньце гібець, зазірніце ў сябе, ураўнаважце эмацыянальны стан. Зараз самы час для наладжвання згубленых сувязяў, якія спатрэбяцца ў найбліжэйшай будучыні. Не забывайце пра родных і блізкіх.

Спорт

Сяргей Кавальчук: У спорце вышэйшых дасягненняў адна мэта — быць лепшымі

Сяргей Кавальчук: У спорце вышэйшых дасягненняў адна мэта — быць лепшымі

Міністр спорту і турызму пра жыццё беларускага спорту. Шчыра і аб’ектыўна.