У Цэнтральнае РУУС Мінска звярнулася жанчына з просьбай аб устанаўленні асобы, якая ашуканскім шляхам завалодала прыналежнымі ёй гульнявымі фішкамі на суму 150 долараў ЗША.
Было ўстаноўлена, што пацярпелая падвозіла на асабістым аўтатранспарце незнаёмага мужчыну, які па завяршэнні паездкі ў якасці падзякі паклаў ёй некалькі фішак на агульную суму 300 долараў ЗША. Жанчына звярнулася ў адну з гульнявых устаноў сталіцы з просьбай аб абмене іх на грошы, аднак ёй было адмоўлена, паколькі яна не з'яўлялася гульцом у гэтай установе.
Пацярпелая звярнулася з аналагічнай просьбай да невядомага грамадзяніна, які знаходзіўся ў гульнявой установе. Той пагадзіўся і правёў абмен фішак на суму 150 долараў. Жанчына паўторна папрасіла незнаёмца абмяняць фішкі, якія ў яе заставаліся, але гэтым разам, даўшы згоду, мужчына насамрэч знік у невядомым напрамку.
Супрацоўнікі міліцыі ўстанавілі, што асобай, якая ашуканскім шляхам завалодала гульнявымі фішкамі на суму 150 долараў ЗША, быў 46-гадовы жыхар сталіцы. Як паведамілі ў Цэнтральным РУУС Мінска, ён можа быць пакараны пазбаўленнем волі на тэрмін да трох гадоў.
Сяргей РАСОЛЬКА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
