Вы тут

Песню бярыце з сабою. Зачарованы


Міхась Башлакоў (нар. 1951 г.) — вядомы беларускі паэт. Скончыў гісторыка- філалагічны факультэт Гомельскага ўніверсітэта. У розныя гады настаўнічаў, працаваў у Саюзе пісьменнікаў. З 1991 года — у Міністэрстве інфармацыі Рэспублікі Беларусь, дзе займаўся падрыхтоўкай і выданнем гісторыка-дакументальных хронік «Памяць». Аўтар кніг паэзіі «Касавіца», «Начны паром», «Дні мае залатыя», «Як слёзы горкія Айчыны...», «Матчыны грыбы перабіраю», «Пяро зязюлі падніму», «Нетры», «Палын», «Далеч вячэрняя» і іншых. Лаўрэат Дзяржаўнай прэміі Рэспублікі Беларусь. Узнагароджаны медалем Францыска Скарыны.


Вершы — Міхась БАШЛАКОЎ, музыка — Яўген КСЯНЕВІЧ.

Куплет 1:

Дзіва дзіўнае — песня далёкая

У густым вечаровым бары.

Сэрца зойдзецца,

як ад клёкату

Ад буслінага на зары.

Прыпеў:

Зачарованы, зачарованы,

І ні выдыхнуць, ні сказаць.

Нібы паху глытнуў чабровага,

Нат не верыцца, так спяваць.

Куплет 2:

Незвычайнае, таямнічае,

Як сутонне лясных дарог.

Пералівістае, крынічнае

І пяшчотнае, бы мурог.

Прыпеў.

Куплет 3:

У тым голасе, у тым голасе...

Каб яшчэ хаця раз пачуць!

Эх, вы, песні.

Як зерне коласа —

Ў глебу кінеш, і... прарастуць.

Выбар рэдакцыі

Грамадства

​Дзе прызначалі спатканні ў даваенным Мінску?

​Дзе прызначалі спатканні ў даваенным Мінску?

Атрымаць падказкі вам дапаможа экскурсія «Рамантыка мінскіх дворыкаў».

Культура

Алесь Бадак: Важна знайсці перакладчыка, які цябе зразумее

Алесь Бадак: Важна знайсці перакладчыка, які цябе зразумее

Паэт і празаік Алесь Бадак шмат гадоў працаваў у літаратурных перыядычных выданнях Беларусі, а з 2015 года ўзначальвае выдавецтва «Мастацкая літаратура».