З пачатку бягучага года на тэрыторыі Мінскай вобласці па віне нецвярозых кіроўцаў здзейснена шэсць дарожна-транспартных здарэнняў, у якіх восем чалавек атрымалі траўмы рознай ступені цяжкасці.
З мэтай умацавання транспартнай дысцыпліны, актывізацыі работы па спыненні фактаў кіравання транспартам у стане ап'янення, як адной з асноўных прычын ДТЗ з цяжкімі наступствамі, з 21 да 24 лютага на тэрыторыі Мінскай вобласці праводзіцца прафілактычная акцыя “Цвярозы кіроўца".
Як паведамілі ва УДА УУС Мінскага аблвыканкама, у ходзе мерапрыемства будуць створаны рэйдавыя групы з ліку супрацоўнікаў ДАІ, іншых службаў міліцыі грамадскай бяспекі і добраахвотных дружыннікаў. Нясенне службы нарадамі міліцыі будзе набліжана да месцаў размяшчэння аб'ектаў гандлю спіртнымі напоямі і забаўляльных устаноў (кавярні, дыскатэкі, сельскія клубы), месцаў масавага адпачынку, асабліва ў вячэрні і начны час.
ДАІ Мінскай вобласці звяртаецца да ўдзельнікаў дарожнага руху: калі вы бачыце ці ведаеце, што транспартным сродкам кіруе вадзіцель у стане ап'янення, паведаміце ў дзяжурную частку ДАІ па тэлефоне 229-04-44 або на тэлефонную лінію 102.
Сяргей РАСОЛЬКА
Прэв'ю: Depositphotos.com
Сумесныя праекты ядзерных тэхналогій.
