«Пандэмiя стала выпрабаваннем на трываласць»

Мікалай Сыса, генеральны дырэктар холдынга «Група кампаній «ПРОТАС»:

— Кампанiя «Протас» — адзiны у Беларусi вытворца маставых металаканструкцый, гэта вельмi складаная i адказная вытворчасць. У 2014 годзе на адкрыццi нашага тады яшчэ новага Завода Прэзiдэнт Аляксандр Лукашэнка адзначыў, што мостабудаўнiцтва — адзiн з прыярытэтных кiрункаў развiцця краiны. Час паказаў, што гэта сапраўды так. Першы зроблены намi мост быў узведзены праз раку Бярэзiну ў Бабруйску. Потым былі масты праз Днепр, Сож і гэтак далей... Зараз у вытворчаcцi канструкцыi для маста ў Полацку, якi злучыць берагi Заходняй Дзвiны. Мы паспяхова ўдзельнiчаем у будаўнiцтве мастоў i для нашай дзяржавы, i для суседнiх крaiн.

Пандэмія стала свайго роду выпрабаваннем для ўсіх. У складаных умовах правяраюцца адносiны як памiж людзьмi, так i памiж суб’ектамi гаспадарання. Вытворчасць нашай прадукцыi ўпала з пачатку пандэмii на чвэрць, на жаль — мы не выключэнне, але мы робiм усе магчымае, намацваем новае, каб рухацца наперад.

За вытворчасцю вядома ж стаяць людзi. I клопат пра iх для мяне, як кiраўнiка, галоўная задача! У складаных умовах пандэмii наша кампанiя зрабiла ўсе магчымае, каб не толькi абаранiць здароўе сваiх работнiкаў, але i , што вельмi важна, забяспечыць iх працай з гарантаванай заработнай платай. З самага пачатку пандэмii на прадпрыемствe быў створаны штаб па барацьбе з яе наступствамi. У сувязi з увядзеннем абмежаванняў на перамяшчэнне грузаў памiж краiнамi, былі цяжкасцi ў транспартнага падраздзялення нашага холдынга. Кiроўцам, якiя пацярпелi ў сувязi с гэтым, была аказана грашовая дапамога да 3,5 тысяч рублёў кожнаму. Адным словам, зрабiлi ўсе ад нас залежнае, каб людзi адчувалi сябе ў бяспецы.

Наш Прэзiдэнт неаднаразова падкрэслiваў, што дзяржава дапаможа тым, хто рабiў усе магчымае для сваіх работнікаў, але дапамога патрэбна слабым. А наша прадпрыемства нездарма называецца ПРОТАС, што па-грэчаску азначае першы, яно павiнна быць моцным!

На нашым прадпрыемстве выкарыстоўваецца найлепшае абсталяванне з усяго свету, але я магу з поўнай адказнасцю сказаць, што вырабляць металаканструкцыi на такiм узроўні, як гэта робяць нашы спецыялiсты, здольны не многія. І гэта нагода для мяне асабіста ганарыцца землякамi, якiя годнa працуюць на сусветным узроўнi!

Запісала Нэлі ЗІГУЛЯ

Фота з архіва Мікалая Сысы