У Гродне выратавалі мужчыну, які ледзь не патануў пры спробе пераплыць возера. Пра гэта БЕЛТА паведамілі ў Гродзенскай абласной арганізацыі Беларускага рэспубліканскага таварыства ратавання на вадзе.
Інцыдэнт адбыўся 8 жніўня на Юілейным возеры ў Гродне. 54-гадовы мужчына пасля спажывання спіртнога вырашыў пераплыць вадаём. На адлегласці каля 150 метраў ад берага ён знясілеў. Яму дапамаглі ратаўнікі.
“Пры падобных абставінах 8 жніўня ў Ашмянах быў выратаваны мясцовы жыхар. Ён таксама вырашыў пакупацца ў нецвярозым выглядзе і не разлічыў свае сілы”, – адзначылі ў ТРВАД.
З пачатку года ў Гродзенскай вобласці выратавалі 24 чалавек. На вадзе загінулі 30 чалавек.
Ратаўнікі на вадзе працягваюць несці службу ва ўзмоцненым рэжыме.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?