Вы тут

Тутэйшыя і не толькі


Канал «Культура» Беларускага радыё запрашае слухаць літаратурна-мастацкія і пазнавальныя праекты. У  суботу і нядзелю ў праграме «Паэтычная раніца» прагучыць радыёкампазіцыя паводле вершаў Васіля Жуковіча. Праграма «Паэзія ХХІ стагоддзя» прапануе творчасць Змітрака Марозава.


Публіцыстычныя праекты выхаднога дня «Кнігалюбу» і «Запрашаем у кнігарню» пазнаёмяць з літаратурнымі падзеямі, кніжнымі навінкамі і аглядам «ЛіМа». У нядзелю ў радыёверсіі праграмы «Суразмоўцы» слухайце гутарку пісьменніка, публіцыста і журналіста Навума Гальпяровіча з кандыдатам філалагічных навук, літаратурным крытыкам Ірынай Шаўляковай-Баразенка.

У «Літаратурнай анталогіі» з панядзелка да пятніцы агучваюцца старонкі раманаў Людмілы Рублеўскай пра авантуры Пранціша Вырвіча, у «Радыёбібліятэцы» — твора Франсуазы Саган «Крыху сонца ў халоднай вадзе». «Літаратурныя гісторыі» ў  выхадныя ў вячэрні час прапануюць апавяданні беларускіх і замежных аўтараў.

У межах праграмы «Радыётэатр. Лепшае» ў суботу прагучаць заключныя дзеі радыёверсіі спектакля Купалаўскага тэатра «Тутэйшыя» паводле п’есы Янкі Купалы. Нядзельным вечарам прыхільнікаў тэатра перад мікрафонам чакае першая частка радыёспектакля «Гульня ў джын» паводле Дональда Кобурна.

Штовечар а 21 гадзіне для маленькіх слухачоў на «Культуры» выходзіць «Вячэрняя казка», а па буднях у праекце «Дасціпныя. Нястомныя. Кемлівыя» гучаць старонкі кнігі Янкі Маўра «ТВТ».

Падрабязны расклад перадач даступны на сайце www.radiokultura.by

Выбар рэдакцыі

Грамадства

Як навучыць дзіця рацыянальна карыстацца грашыма? Парады псіхолага

Як навучыць дзіця рацыянальна карыстацца грашыма? Парады псіхолага

Дзіцяці абавязкова трэба ведаць: Што такое грошы? Навошта яны патрэбны?

Грамадства

У музеі ВАВ адкрылася выстаўка «Бітва за Маскву. Бессмяротнасць подзвігу».

У музеі ВАВ адкрылася выстаўка «Бітва за Маскву. Бессмяротнасць подзвігу».

Як адзначыла старшыня Савета Рэспублікі Нацыянальнага сходу Наталля Качанава, Вялікая Айчынная вайна і ўсё, што звязана з ёй, — святое.