Прайдзісветы ў адукацыі

У Кітаі папярэджваюць аб «падробных універсітэтах».

Міністэрства адукацыі КНР папярэдзіла аб махлярстве пры паступленні ў вышэйшыя навучальныя ўстановы, перадае «Жэньмінь жыбаа» анлайн».

Міністэрства прапануе, каб абітурыенты і іх бацькі наведвалі афіцыйны сайт або акаўнт WeChat ведамства і праверылі сапраўднасць кваліфікаванага ВНУ для пазбягання магчымага махлярства з боку «падробных універсітэтаў». Як адзначаецца, усе інстытуты і універсітэты, зарэгістраваныя ў Мінадукацыі, маюць свой эксклюзіўны код, які можна знайсці ў іх сістэмах падачы заяў.

Ведамства заклікала людзей кіравацца здаровым сэнсам, каб пазбегнуць махлярства, пры якім «універсітэты» сцвярджаюць, што абітурыентам дастаткова заплаціць, каб быць залічанымі на вучобу незалежна ад балаў, атрыманых імі на агульнанацыянальных ўступных іспытах у ВНУ.

Фота: saintbasil.ru