Вы тут

«Кароткае» сонца нясе з сабой сезоннае пахаладанне


Чым больш каляндарныя лісты аддзяляюць нас ад лета, тым карацейшыя становяцца дні. А «кароткае» сонца нясе з сабой сезоннае пахаладанне. У гэтыя выхадныя будзе зусім не цёпла. У гэтым можна вінаваціць моцны паўночны вецер, паведамляюць спецыялісты Рэспубліканскага цэнтра гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.


На выхадныя надвор'е ў краіне ў асноўным будзе фарміраваць вобласць павышанага атмасфернага ціску. У суботу чакаецца пераменная воблачнасць, пераважна без ападкаў. Вецер паўночна-заходні, заходні ўмераны, удзень парывісты. Мінімальная тэмпература паветра ўначы ад плюс 2 да 9 градусаў цяпла, а максімальная ўдзень будзе ў межах 14—20 цяпла.

Пры пераменнай воблачнасці не будзе ападкаў і ў нядзелю. Вецер чакаецца слабы, няўстойлівы. Мінімальная тэмпература паветра ноччу — 2—9 цяпла, максімальная ўдзень — ад плюс 15 да 20 градусаў, па поўдні краіны — да 22 цяпла.

Паводле папярэдніх прагнозаў айчынных сіноптыкаў, у пачатку наступнага тыдня змяненняў умоў надвор'я не чакаецца. У панядзелак будзе пераважна без ападкаў. Уначы і раніцай месцамі туман. Уначы прагназуецца ад плюс 3 да плюс 9 градусаў, ва ўсходніх раёнах месцамі магчымыя слабыя замаразкі да нуля — мінус 2 градусаў. Удзень будзе плюс 14—19, па паўднёвым захадзе — да плюс 22 цяпла. У аўторак будзе сонечна і суха. Уначы холадна, а ўдзень — на пару градусаў цяплей, чым у выхадныя.

Сяргей КУРКАЧ

Загаловак у газеце: Уначы месцамі толькі плюс 2

Выбар рэдакцыі

Грамадства

Пакаленне Z рэальнага лесу баіцца?

Пакаленне Z рэальнага лесу баіцца?

Кожны грыб у рукі бяруць, ды не ўсякі ў кузаў кладуць.

Калейдаскоп

Усходні гараскоп на наступны тыдзень

Усходні гараскоп на наступны тыдзень

ЦЯЛЕЦ. Усё ідзе паспяхова, калі не лічыць адной зусім нязначнай, але вельмі непрыемнай штукі, і імя ёй — лянота. Калі пераадолееце яе, то ўсё ў вашым прафесійным жыцці будзе выдатна.

Культура

Музейшчыкі паказалі, як на галоўную вежу Старога замка ў Гродне нанеслі зграфіта

Музейшчыкі паказалі, як на галоўную вежу Старога замка ў Гродне нанеслі зграфіта

Гісторыка-археалагічны музей у Гродне апублікаваў на сваім YouTube-канале відэа, як стваралі зграфіт