Напрыканцы кастрычніка ў горадзе Наньчан, адміністрацыйным цэнтры правінцыі Цзянсу на ўсходзе Кітай, адкрыецца Сусветная канферэнцыя па індустрыі віртуальнай рэальнасці (VR)-2020. Пра гэта абвясцілі арганізатары, перадае «Жэньмінь жыбаа» анлайн».
Асобныя мерапрыемствы ў рамках канферэнцыі будуць праходзіць у анлайн-фармаце. Удзельнікі абмяркуюць пытанні, звязаныя з пашыранай рэальнасцю, воблачнай віртуальнай рэальнасцю, прамысловай экалогіяй і забаўляльнымі гульнямі.
Сусветная канферэнцыя па індустрыі VR, арганізатарамі якой выступаюць міністэрства прамысловасці і інфарматызацыі Кітая, а таксама народны ўрад правінцыі Цзянсу, штогод праходзіць у Наньчане з 2019 года. Летась былі падпісаны 104 дамовы.
Кітай стаў прыкладам імклівага пашырэння індустрыі віртуальнай рэальнасці, паколькі краіна імкнецца да якаснага развіцця і шырокага прымянення новых тэхналогій. Па прагнозах міністэрства прамысловасці і інфарматызацыі, маштабы рынку VR у КНР да 2021 года дасягнуць 54,45 млрд. юаняў (каля 7,7 млрд. долараў).
Сумесныя праекты ядзерных тэхналогій.