Вы тут

У Магілёве адкрылі «разумную» інтэграваную паліклініку


Аналагаў ёй у рэспубліцы няма.

Установа разлічана на абслугоўванне болей чым 30 тысяч дзяцей і дарослых. Тут жа знаходзіцца падстанцыя хуткай медыцынскай дапамогі на чатыры брыгады. Сяміпавярховік цалкам узброены сучасным медыцынскім абсталяваннем, укаранёная сістэма «разумная паліклініка». На ўваходзе стаяць тэрміналы для электронных медыцынскіх картак, а медыцынскі персанал дысцыплінуе фотарэгістратар уліку працоўнага часу. Створаны ўсе ўмовы для безбар’ернага асяроддзя. Паліклініка пачне працаваць заўтра, а сёння, ў дзень яе адкрыцця, была магчымасць для ўсіх жадаючых азнаёміцца з яе магчымасцямі. Убачанае сапраўды ўражвала.


— Паліклініка з’яўляецца яркім увасабленнем таго, чаго мы хочам і куды мы рухаемся, — адзначыў выконваючы абавязкі міністра аховы здароўя Дзмітрый Піневіч. — Гэта інтэграваная паліклініка — ад нараджэння да залатога ўзросту. Тут вельмі магутнае забеспячэнне рознымі відамі спецыялізаванай медыцынскай дапамогі, дзённым стацыянарам, што называецца стацыянаразамяшчальнай тэхналогіяй. З прыняццем новых нарматыўных актаў, у тым ліку Закона аб ахове здароўя, спадзяемся забяспечыць ператок пацыентаў стацыянараў у дзённыя стацыянары паліклінічных устаноў. Сёння няма неабходнасці, асабліва ў буйных гарадах, забяспечваць паліклінікі магутнымі дыягнастычнымі або хірургічнымі комплексамі – для гэтага трэба рабіць калектыўныя цэнтры. У гэтай паліклініцы зможа абслугоўвацца палова Магілёва і, напэўна, палова Магілёўскага раёна. Змены адбыліся пачынаючы ад запісу пацыента на прыём да ўрача да тэрміналаў электронных карт – правобраза інтэграванай медыцынскай карты. Краіна плануе з 1 студзеня 2023 года перайсці на адзіную інтэграваную медыцынскую прастору, і ў паліклініцы абыгрываецца адзін з элементаў інтэграванай паліклінікі. Наведванне медыцынскай ўстановы ў любым куточку нашай рэспублікі будзе заносіцца ў медыцынскую карту пацыента.

Старшыня Магілёўскага аблвыканкама Леанід Заяц падкрэсліў, што гэтай падзеі жыхары горада чакалі даўно.

— Дапамагло тое, што было прынятае валявое рашэнне Прэзідэнта краіны наконт фінансавання аб’екта, — паведаміў ён. — Моцнымі прадпрыемствамі Магілёва і вобласці была аказана спонсарская дапамога ў памеры 1,25% ад выручкі. Такім чынам будавалі вось гэтую паліклініку на абслугоўванне 850 пацыентаў у змену, Асіповіцкую раённую бальніцу, раддом у Магілёве, такім чынам будуем кардыяхірургічны цэнтр пры Магілёўскай абласной бальніцы. У гэтую паліклініку і ў мадэрнізацыю тых аб’ектаў, якія рэалізавалі, укладзена 53 мільёна рублёў.

 — Такая медыцынская ўстанова, якую мы адкрылі сёння ў Магілёве, паліклініка сучаснага і будучага, такія ў нас павінны быць паўсюды, — падкрэсліў кіраўнік Адміністрацыі Прэзідэнта Рэспублікі Беларусь Ігар Сяргеенка. — Пачынаючы з уваходу чалавек трапляе ў цэнтр увагі — сучаснае абсталяванне, высакакласныя спецыялісты, усё зроблена з любоўю і падыходам. Наогул у Магілёўскай вобласці развіццю сістэмы аховы здароўя надаецца вялікая ўвага. Летась і сёлета здадзены цэлы шэраг медыцынскіх аб’ектаў не толькі ў Магілёве, але і ў Глуску, Асіповічах, Бабруйску. Ёсць перспектыва развіцця матэрыяльна-тэхнічнай базы, за гэтым стаіць удасканаленне прафесіяналізму медыкаў. Сёння ў Магілёўскай вобласці выконваецца шэраг аперацый на ўзроўні рэспубліканскіх устаноў. Гэта гаворыць пра тое, што на рэгіянальным узроўні сістэма аховы здароўя не саступае тым медыцынскім цэнтрам, якія працуюць сёння ў Мінску.

Нэлі ЗІГУЛЯ

Фота Галіны ГАЎРЫЛОВІЧ

Выбар рэдакцыі

Грамадства

Самы паспяховы сезон! З Аўгустоўскага канала сплылі цеплаходы

Самы паспяховы сезон! З Аўгустоўскага канала сплылі цеплаходы

У некаторыя выходныя цеплаход здзяйсняў па канале дванаццаць рэйсаў.

Палітыка

Крызіс на мяжы. Уся аператыўная інфармацыя на нядзелю (абнаўляецца)

Крызіс на мяжы. Уся аператыўная інфармацыя на нядзелю (абнаўляецца)

Аператыўная інфармацыя з беларуска-польскай мяжы.

Калейдаскоп

Усходні гараскоп на наступны тыдзень

Усходні гараскоп на наступны тыдзень

РАК. Надыходзіць дастаткова актыўны, напоўнены падзеямі тыдзень.

Палітыка

Крызіс на мяжы. Уся аператыўная інфармацыя на суботу (абнаўляецца)

Крызіс на мяжы. Уся аператыўная інфармацыя на суботу (абнаўляецца)

Аператыўная інфармацыя з беларуска-польскай мяжы.