Вы тут

Распачаты рамонт і рэканструкцыя на Гарнізонных могілках Брэста


Яны — асаблівы аб'ект у горадзе над Бугам. Першыя пахаванні вайскоўцаў крэпасці Брэст-Літоўск тут адбыліся ў 1840 годзе. На гэтым месцы знайшлі спачын многія абаронцы Айчыны — генералы і радавыя.


У 1944 годзе некропаль быў вызначаны як месца пахавання байцоў і камандзіраў Чырвонай Арміі. Пазней тут сталі хаваць вайскоўцаў вышэйшага каманднага саставу, партыйных і савецкіх работнікаў. Зараз Гарнізонныя могілкі прымаюць пахаванні пры ўмовах асаблівых заслуг нябожчыка. Вось і некалькі тыдняў таму тут быў пахаваны Міхаіл Іофе, ганаровы грамадзянін Брэста, які больш за 30 гадоў узначальваў прадпрыемства «Брэстгазаапарат».

Цяперашні цэнтральны манумент могілак быў устаноўлены ў самым пачатку 50-х гадоў. Зразумела, што пляцоўка вакол яго і іншыя аб'екты патрабуюць добраўпарадкавання і рамонту. Гэтае пытанне ўзнімаў Савет ветэранаў горада ў сваіх узаемадачыненнях з гарвыканкамам. І сёлетняй восенню рамонт быў пачаты. Падрабязнасці ў сваім тэлеграм-канале паведаміў старшыня гарвыканкама Аляксандр РАГАЧУК.

Работы вядуцца за кошт сродкаў, якія выручаны ў ходзе правядзення рэспубліканскага суботніка. Зроблена дэталёвае абследаванне канструкцый галоўнага манумента, пяці пастаментаў са скульптурамі і 596 надмагілляў. Калі паднялі дакументы, то высветлілі, што скульптура на цэнтральным помніку была адлітая ў Германіі ў 1946 годзе. Пры закладцы пастаментаў выкарыстоўвалі чырвоную цэглу з Брэсцкай крэпасці, што і паспрыяла ўстойлівасці канструкцый. Але ж гады бяруць сваё, і патрэбна правесці работу па ўмацаванні і аднаўленні.

Зараз вядзецца рамонт дзвюх сцен каля цэнтральнага помніка з заменай гранітных пліт. У найбліжэйшы час будзе замоўлены праект капітальнага рамонту цэнтральнага пастамента, з часу ўстаноўкі якога налета споўніцца 70 гадоў.

Святлана ЯСКЕВІЧ

Прэв’ю: samaralife.wordpress.com

Загаловак у газеце: Даніна памяці

Выбар рэдакцыі

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.

Грамадства

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. Буйныя крэдыты зараз лепш не браць. Паспрабуйце прывесці думкі і пачуцці ў парадак. І перастаньце гібець, зазірніце ў сябе, ураўнаважце эмацыянальны стан. Зараз самы час для наладжвання згубленых сувязяў, якія спатрэбяцца ў найбліжэйшай будучыні. Не забывайце пра родных і блізкіх.

Спорт

Сяргей Кавальчук: У спорце вышэйшых дасягненняў адна мэта — быць лепшымі

Сяргей Кавальчук: У спорце вышэйшых дасягненняў адна мэта — быць лепшымі

Міністр спорту і турызму пра жыццё беларускага спорту. Шчыра і аб’ектыўна.