Вы тут

У Брэсце прадаюць ёлкі ў кадушках


Навагодняй акцыяй Брэсцкі лясгас папулярызуе беражлівае стаўленне да прыродных рэсурсаў.


Да Новага года застаецца зусім нямнога часу, у гарадах тым часам працуюць  кірмашы па продажы жывых ёлак. Але ў пераважнай большасці там прадаюць ссечаныя дрэвы. А вось работнікі лясной галіны падчас святочнага гандлю праводзяць акцыю, накіраваную на беражлівае абыходжанне з прыродай.

І праўда, пасвяткуеш Новы год, а потым нясеш ёлку да кантэйнера, адкуль яе забяруць камунальшчыкі ды завязуць у бліжэйшую топку. Як жа ўпрыгожыць дом жывой ёлкай, каб не нанесці ўрону прыродзе?

Напрыклад, у Брэсцкім лясгасе прапануюць набыць ёлачку ў кадушцы. Такім чынам, на свята лясную прыгажуню можна ўпрыгожыць, а потым патрымаць у халаднаватым месцы да вясны ды пасадзіць.  Калі такой магчымасці няма, для дрэва заўсёды знойдзецца месца ў родным горадзе, дзе-небудзь непадалёку ад мікрараёнаў шматпавярховай забудовы. 

Пры продажы пакупніку дадуць пісьмовую інструкцыю, як захаваць дрэва некалькі месяцаў. Нагадаюць, што ёлку трэба  вытрымаць некалькі дзён ў халаднаватым месцы, напрыклад, на балконе. Ды і потым пажадана не ставіць яе побач з прыборамі ацяплення, не забывацца добра паліваць. А тыдні праз тры ёлку лепей вынесці ў падвал альбо на балкон.

Намеснік дырэктара па ідэалагічнай рабоце Брэсцкага лясгаса Ірына ФАНДОРКА сказала, што продаж навагодніх дрэў у кадушках ужо паспяхова вядзецца на двух пляцоўках абласнога цэнтра: па вуліцы Кобрынскай і на навагоднім кірмашы (вуліца Гогаля). Цана на ёлку велічынёй паўтара метра ў ёмістасці прыкладна 15 літраў складае 30 рублёў. Пакупнікі цікавяцца і набываюць ёлкі. Сёлета плануюць прадаць дзве сотні такіх дрэў.

Святлана ЯСКЕВІЧ

Фота Валерыя КАРАЛЯ

На здымку інжынер-лесапатолаг Ірына Шукайла і інжынер па лесакарыстанні Марына Жалнерчык

Выбар рэдакцыі

Культура

Рэстаўрацыя па-беларуску: ратаваць — неабходна

Рэстаўрацыя па-беларуску: ратаваць — неабходна

Гістарычная памяць — тое, што вызначае будучыню... Здаецца, банальная ісціна, якую не трэба нікому даказваць.

Грамадства

10 прадуктаў-антыдэпрэсантаў, якія абавязкова павінны быць на вашым стале

10 прадуктаў-антыдэпрэсантаў, якія абавязкова павінны быць на вашым стале

Добры настрой — гэта падмурак высокай якасці нашага жыцця.

Грамадства

З акцэнтам на вусны. Правільны макіяж для сталых людзей

З акцэнтам на вусны. Правільны макіяж для сталых людзей

Многія жанчыны лічаць, што макіяж ў сталым узросце рабіць не варта, таму што гэта «дадае гадоў».

Культура

Літаратурная вандроўка на Уздзеншчыну. Што цікавага ў раённым гісторыка-краязнаўчым музеі

Літаратурная вандроўка на Уздзеншчыну. Што цікавага ў раённым гісторыка-краязнаўчым музеі

 У сценах установы ў межах літаратурна-музычнай імпрэзы прагучалі вершы і песні.