Вы тут

Андрэй СІДАРЭЙКА. Я АБЯЦАЮ! Гумарэска


Андрэй СІДАРЭЙКА
 

Для многіх першага студзеня пачынаецца з банальных паслясвяточных фраз: «Колькі цяпер часу?», «Дзе гэта я?», «Вады!..» і падобных. Ачуняўшы, людзі яшчэ раз паўтараюць: «Больш ніколі ў жыцці!» і даюць слова, што ў новым годзе…
— Я зраблю турнік у двары і буду кожную раніцу падцягвацца.
— Я разлюблю пельмені і палюблю мюслі.
— Я не буду закусваць снегам.
— Я пачну выносіць смецце без пастаянных жончыных напамінаў.
— Я абяцаю не зазіраць у піўбар, ідучы з працы дахаты.
— Я перастану піць каву на галодны страўнік і курыць на кухні ў фортку.
— Я кіну знаёміць суседзяў са сваёй любімай музыкай.
— Я ніколі не буду казаць: «Больш ніколі ў жыцці!»…
Гэта некаторыя з абяцанняў мужчын. А вось пра што божацца жанчыны.
— Я сяду на дыету другога студзеня і не злезу з яе, пакуль не пахудзею.
— Я больш ніколі не буду траціць грошай болей, чым зарабляю.
— Я забудуся дарогу ва ўсе модныя буцікі.
— Я перастану глядзець тэлепраграму «Дом-2».
— Я ніколі не папрашу ў мужа ягоную банкаўскую карту.
— Я пачну выключаць тэлевізар, калі пачынаецца любы серыял.
— Я не буду перашкаджаць мужу глядзець спартыўныя каналы і вывучу прозвішчы ўсіх знакамітых спартсменаў…
Калі навагоднія святы мінаюць, надыходзіць час выконваць абавязацельствы.
— Я не магла такога абяцаць! — абураецца кабета. — Вечна вы, мужчыны, чуеце толькі тое, што мы, жанчыны, кажам! На самай справе я мела на ўвазе зусім іншае. Эх, хіба вы разумееце нашую загадкавую душу?
Моцная палова ў сваю чаргу больш лаканічная:
— Прашу зразумець і прабачыць…
І жыццё працягваецца далей. Да наступнага Новага года і новых абяцанняў!

 

Рэчыцкі раён, агр. Каравацічы.

Выбар рэдакцыі

Грамадства

Як кадравыя агенцтвы падманваюць даверлівых грамадзян

Як кадравыя агенцтвы падманваюць даверлівых грамадзян

Калі ў кадравым агенцтве вам прапануюць заплаціць грошы і гарантуюць стапрацэнтнае працаўладкаванне, смела разварочвайцеся і сыходзьце: перад вамі, напэўна, ашуканцы.

Грамадства

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

У адрозненне ад «хімічных антыбіётыкаў», прыродныя лекі не толькі дапамагаюць перамагчы інфекцыю, але і ўмацоўваюць ахоўныя ўласцівасці арганізма.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.