Вы тут

​Цюбінг і іншыя небяспечныя забавы. Медыкі фіксуюць усплёск траўматызму


Варта было прыйсці ў Беларусь сапраўднай снежнай зіме, што якраз супала з вялікімі выхаднымі, — і медыкі адзначаюць усплёск траўматызму.


«Штодзень у прыёмны пакой звяртаецца пяць-шэсць чалавек з траўмамі пазваночніка, як правіла, кампрэсійнымі пераломамі, звязанымі з катаннем на цюбінгах. Тры-чатыры чалавекі з цяжкімі пашкоджаннямі прывозяць на выхадных з гарналыжных комплексаў «Сілічы» і «Лагойск», — адзначае выконваючы абавязкі загадчыка прыёмнага аддзялення РНПЦ траўматалогіі і артапедыі Аляксандр Ярашэвіч. Больш за чатыры дзясяткі дзяцей звярнулася падчас мінулых выхадных у прыёмны пакой Рэспубліканскага цэнтра дзіцячай нейрахірургіі з чэрапна-мазгавымі траўмамі, страсеннямі, пераломамі. Медыкі нагадалі простыя правілы падчас актыўнага зімовага адпачынку, якія павінны выконваць дзеці і дарослыя.

— У апошнія пяць гадоў цюбінгавая траўма зімой выйшла на першае месца. Забараніць катацца на цюбінгах немагчыма. Але ўсе павінны ўсведамляць, чым ён адрозніваецца ад санак і лядзянак. Калі падчас катання на санках ёсць магчымасць затармазіць нагамі, змяніць накірунак ці, нарэшце, выпасці з іх, каб пазбегнуць сутыкнення, то на цюбінгу ногі, як правіла, не дастаюць да зямлі і немагчыма ні затармазіць, ні змяніць траекторыю. Гэта хуткі бескантрольны рух з кручэннем, — тлумачыць кіраўнік Рэспубліканскага цэнтра дзіцячай нейрахірургіі, галоўны пазаштатны спецыяліст па дзіцячай нейрахірургіі Міністэрства аховы здароўя Міхаіл Талабаеў. — Калі наперадзе перашкода — прыпаркаваны аўтамабіль, жалезная дваровая канструкцыя, іншы чалавек, траўма непазбежная. Толькі за панядзелак у прыёмны пакой звярнулася 16 чалавек, шасцёра шпіталізаваныя. Нейрахірург падкрэслівае, што катацца можна толькі ў спецыяльна абсталяваных месцах. Ён адзначае, што дзяцей, якіх шпіталізавалі з гарналыжных цэнтраў, у яго стацыянары мінімум. Бо на добраўпарадкаваных горках няма наперадзе перашкод.

Яшчэ адно правіла бяспечнага катання — кантроль з боку дарослых.

— Бацькі ў дварах павінны аб'ядноўвацца і кантраляваць усіх дзяцей наверсе горкі і на спуску, — раіць спецыяліст.

Аляксандр Ярашэвіч тлумачыць, што з прычыны закрытых граніц беларусы накіраваліся адпачыць у гарналыжныя цэнтры ў нашай краіне. І раіць не пераацэньваць свае магчымасці.

Спецыяліст адзначыў, што апошнім часам нярэдкія і траўмы па неасцярожнасці. Кароткі светлавы дзень, вялікая колькасць аўтамабіляў у дварах, спешка і нязручны абутак — усе гэтыя фактары вядуць да падзенняў і траўміраванняў. У тым ліку і пажылых людзей. А для іх падзенні асабліва небяспечныя — як правіла, яны заканчваюцца траўмай тазасцегнавога сустава, што ў сталым узросце мае цяжкія наступствы. Таму пажылым людзям не варта нагружаць сябе цяжкімі сумкамі, трэба не саромецца браць з сабой палку, абуваць падыходзячы да надвор'я абутак з шырокай падэшвай.

Згодна са статыстыкай, штогод у Беларусі траўмы атрымлівае каля 700 тысяч чалавек. Траўміраванне з'яўляецца адной з вядучых прычын смяротнасці і знаходзіцца на чацвёртым месцы.

Алена КРАВЕЦ

Прэв’ю: silichy.by

Выбар рэдакцыі

Грамадства

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Гучны гул сірэны знянацку застаў пенсіянерку Веру Васільеўну дома.

Грамадства

Хормайстр Ніна Ламановіч: Можна выходзіць замуж, калі жыццё жанчыны пасля гэтага палепшыцца

Хормайстр Ніна Ламановіч: Можна выходзіць замуж, калі жыццё жанчыны пасля гэтага палепшыцца

Галоўнаму хормайстру Вялікага тэатра 27 жніўня споўнілася 70 гадоў. 

У свеце

У «чорнай» зоне. Чаму Літву захліснула пандэмія?

У «чорнай» зоне. Чаму Літву захліснула пандэмія?

Уся Літва трапіла ў «чорную» зону заражэння каранавірусам. 

Грамадства

Страшнае слова «генацыд»

Страшнае слова «генацыд»

Для тых, хто прысвойвае сабе права быць «выключнымі», гэта рана ці позна становіцца катастрофай у маштабах народа.