Вы тут

Мінскі заапарк правядзе чатыры конкурсы падчас фестывалю «Экалогія. Творчасць. Дзеці»


У Мінскім заапарку стартаваў XVII фестываль «Экалогія. Творчасць. Дзеці», паведамілі ў установе.


Штогод заапарк арганізуе мерапрыемства для выхавання ў дзяцей і падлеткаў усвядомленых адносін да навакольнага свету, развіцця экалагічнай культуры. «У час фестывалю праводзім некалькі конкурсаў, дзякуючы якім прыцягваем увагу дзяцей да экалагічных праблем з дапамогай творчасці, залучаем іх у абарону навакольнага асяроддзя праз удзел у экалагічных акцыях», — распавялі ў заапарку.

Фота: minsknews.by

Удзельнічаць у фестывалі могуць дзеці з адукацыйных устаноў усіх відаў, дзіцячых дамоў, асобы з абмежаванымі магчымасцямі, а таксама навучэнцы цэнтраў пазашкольнай работы, чыя творчасць, індывідуальная або калектыўная, не супярэчыць мэтам і задачам фестывалю.

Выпрабаваць сябе прапануюць у адным з чатырох конкурсаў на выбар: дэкаратыўна-прыкладнай творчасці «Свет дыназаўраў», малюнка «Жывёлы буйным планам», анімацыі «Калейдаскоп жывёл» і тэатральным «Кожны ў адказе за жыццё на планеце». «Кірункі розныя, таму кожнае дзіця зможа праявіць свае здольнасці. Адны з металу, керамікі, тэкстылю ці дрэва зробяць фігуркі старажытнай рэптыліі, іншым прапануюць акрылавымі фарбамі стварыць малюнак на майцы, трэція могуць зрабіць анімацыю пра жывёл у любой тэхніцы (2D, 3D), а чацвёртыя падрыхтуюць сцэнічную мініяцюру адвольнай формы з выкарыстаннем разнастайных мастацка-выразных сродкаў, якая перадасць экалагічныя праблемы», — распавялі ў установе.

Заяўкі прымаюцца да 25 красавіка, а конкурсныя працы неабходна здаць з 26 красавіка па 10 мая. Падвядзенне вынікаў, выстава работ удзельнікаў, узнагароджанне пераможцаў і святочны канцэрт адбудуцца 22 мая ў заапарку. Лепшых узнагародзяць граматамі і прызамі ад заснавальнікаў і арганізатараў фестывалю.

Выбар рэдакцыі

Палітыка

Лукашэнка: Беларусь і Расія сур'ёзна рушылі наперад у пытанні ўзгаднення саюзных праграм

Лукашэнка: Беларусь і Расія сур'ёзна рушылі наперад у пытанні ўзгаднення саюзных праграм

У Маскве адбылася сустрэча і перагаворы кіраўніка нашай краіны з яго калегам Уладзімірам Пуціным.

Эканоміка

За якія парушэнні могуць прыпыніць работу магазінаў?

За якія парушэнні могуць прыпыніць работу магазінаў?

МАРГ час ад часу прыпыняе работу магазінаў.

Грамадства

Еш ананасы, яблыкі жуй! Як падтрымаць імунітэт без аптэчкі?

Еш ананасы, яблыкі жуй! Як падтрымаць імунітэт без аптэчкі?

З авітамінозам у нас прынята змагацца па-старому...

Грамадства

Брагінскія кавуны з прыстаўкай «эка-»

Брагінскія кавуны з прыстаўкай «эка-»

На Гомельшчыне актыўна рэалізоўваюцца праекты па развіцці тэрыторый, пацярпелых у выніку катастрофы на ЧАЭС.