Пажылая мінчанка прадала кватэру і пералічыла махлярам 236 тысяч рублёў. Падрабязнасці паведамляе агенцтва «Мінск-Навіны».
22 сакавіка 67-гадовай мінчанцы патэлефанаваў на Viber невядомы чалавек, які прадставіўся супрацоўнікам банка. Ён сказаў, што прама цяпер з карткі пенсіянеркі пераводзяць грошы на іншы рахунак. Пажылая жанчына адразу паправіла суразмоўцу, маўляў, у яе ёсць банкаўскі рахунак, а не картка. Нібыта прадстаўнік банка сказаў, што зафіксаваныя несанкцыянаваныя аперацыі і што ў хуткім часе з ёй звяжуцца супрацоўнікі міліцыі.
Праз некалькі дзён пенсіянерцы патэлефанаваў на Viber нібыта міліцыянт. Ён пацвердзіў усё тое, што ёй казалі раней і параіў, каб мінчанка зняла з рахунку грошы і залічыла іх на карт-рахунак іншага банка.
«Праваахоўнік» змог пераканаць жанчыну, і яна, ідучы паводле яго інструкцый, у некалькі этапаў зняла з рахунку грошы і залічыла туды, куды ёй параілі зламыснікі. Больш за тое, яна перадала ім дадзеныя для ўваходу ва ўсталяваную праграму. Аддалены доступ дазволіў ашуканцам даведацца рэквізіты банкаўскай карты, аўтарызавацца ад імя мінчанкі ў асабістым кабінеце інтэрнэт-банкінгу і дыстанцыйна распараджацца грашыма. Так яны знялі з яе рахунку больш за 236 тысяч рублёў. Аказваецца, гэта была сума, якую пенсіянерка атрымала ад продажу кватэры.
Ленінскі раённы аддзел Следчага камітэта расследуе крымінальную справу аб крадзяжы грошай у асабліва буйным памеры з выкарыстаннем камп’ютарнай тэхнікі.
Прэв'ю: pixabay.com
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
