Вы тут

Беларусь зацікаўлена ў развіцці ўзаемавыгаднага супрацоўніцтва з Пакістанам — Каранкевіч


Беларусь разглядае Пакістан як перспектыўнага партнёра і зацікаўлена ў развіцці ўзаемавыгаднага двухбаковага супрацоўніцтва. Аб гэтым заявіў міністр энергетыкі, старшыня беларускай часткі сумеснай беларуска-пакістанскай камісіі па гандлёва-эканамічным супрацоўніцтве Віктар Каранкевіч у прывітальным слове ўдзельнікам пасяджэння беларуска-пакістанскага дзелавога савета, якое праходзіць сёння ў БелГПП, паведамілі БелТА ў прэс-службе Мінэнерга.


«Адносіны паміж нашымі краінамі будуюцца на аснове даверу, дружбы, узаемнага ўліку інтарэсаў. Развіваюцца двухбаковыя палітычныя сувязі, умацоўваюцца эканамічныя кантакты, у тым ліку на ўзроўні дзелавых колаў», — канстатаваў міністр.

У 2020 годзе тавараабарот паміж краінамі склаў $52,2 млн, што на 4 працэнты больш у параўнанні з 2019 годам. «Прырост невялікі, але ён сведчыць аб тым, што ў нашых дзяржаў ёсць патэнцыял для нарошчвання двухбаковых адносін і нам трэба яго ў поўнай меры выкарыстаць», — падкрэсліў Віктар Каранкевіч.

Беларускі бок зацікаўлены не толькі ў развіцці гандлю з Пакістанам, але і ў больш актыўным інвестыцыйным супрацоўніцтве, прамысловай кааперацыі, стварэнні сумесных кампаній і вытворчасцей. Сярод прыярытэтных напрамкаў, якія ўяўляюць узаемны інтарэс, — прамысловасць, сельская гаспадарка, фармацэўтыка. Краіны маглі б больш актыўна ўзаемадзейнічаць у сферы адукацыі, а таксама разгледзець магчымасці партнёрства па новых перспектыўных напрамках, такіх як інфармацыйныя тэхналогіі і лагістыка, лічыць Віктар Каранкевіч.

«Мы зацікаўлены ў прыцягненні замежных інвестараў, у тым ліку пакістанскіх кампаній, і запрашаем бізнес Пакістана да супрацоўніцтва», — падвёў вынік міністр.

Выбар рэдакцыі

Грамадства

У Беларусі даследуюць вакцыну супраць раку

У Беларусі даследуюць вакцыну супраць раку

Працягваецца навуковае даследаванне ДНК-вакцыны супраць раку ў рамках беларуска-амерыканскага праекта.

Палітыка

Вялікая размова с кіраўніком Брэсцкай вобласці пра лёс рэгіёну

Вялікая размова с кіраўніком Брэсцкай вобласці пра лёс рэгіёну

«Асноўная задача — павысіць эфектыўнасць вытворчасці. Для гэтага патрэбна падняць аграрную галіну на больш высокі тэхналагічны ўзровень»

Грамадства

Экалагічна і эканамічна: як жыць па прынцыпе «Нуль адходаў»?

Экалагічна і эканамічна: як жыць па прынцыпе «Нуль адходаў»?

Гэта прынцыпы, накіраваныя на зніжэнне колькасці смецця і захаванне рэсурсаў планеты.

Фінансы

Як засцерагчы сябе ад крадзяжу грошай з карткі?

Як засцерагчы сябе ад крадзяжу грошай з карткі?

У I квартале 2021 года было зарэгістравана звыш 800 крадзяжоў грошай праз інтэрнэт, гэта ў 4,5 раза больш, чым за такі ж перыяд год таму.