Вы тут

Беларускія вучоныя разлічваюць да канца жніўня распрацаваць прататып вакцыны ад COVID-19


Аб гэтым сёння сказаў на сесіі агульнага сходу Нацыянальнай акадэміі навук старшыня Прэзідыума НАН акадэмік Уладзімір Гусакоў, перадае БЕЛТА.


"Мы цяпер актыўна працуем над вакцынай супраць каранавіруснай інфекцыі. І да канца жніўня ўжо зможам далажыць аб распрацоўцы прататыпа беларускай вакцыны, - сказаў Уладзімір Гусакоў. - Акрамя таго, працуем над распрацоўкай прэпаратаў па барацьбе з кавідам, якія будуць прымяняцца пасля таго, як чалавек захварэў, каб хвароба лягчэй праходзіла, а таксама над прэпаратамі, якія маглі б нейтралізаваць інфекцыю".

Паводле яго слоў, для такіх распрацовак створана сумесная група, што складаецца са спецыялістаў Акадэміі навук і Міністэрства аховы здароўя.

Падводзячы вынікі дзейнасці мінулага года і пяцігодкі, ён расказаў, што за гэты час было зроблена многае. "У прыватнасці, распрацаваны новы праект касмічнага апарата дыстанцыйнага зандзіравання Зямлі, зараз мы гатовы пачаць яго стварэнне. У Антарктыдзе наша экспедыцыя паспяхова завяршыла сваю місію і ўжо вяртаецца назад. У сельскай гаспадарцы створаны шэраг новых сартоў раслін, машын, якія не ўступаюць замежным аналагам па тэхналогіі і г.д. Мы дэманстравалі нашы распрацоўкі ў галіне электратранспарту, нанаматэрыялы ў розных галінах, у тым ліку накапляльнік электраэнергіі і інш.", - растлумачыў Уладзімір Гусакоў.

Акрамя таго, зацверджаны сем адзіных прыярытэтаў у галіне навукі і навукова-тэхнічнай дзейнасці, распрацаваны 12 праграм фундаментальных даследаванняў на будучую пяцігодку, якія змяшчаюць як вышэйназваныя напрамкі, так і больш шырокія задачы.

"Мы абавязкова ўлічваем патрабаванні краіны, прапановы ўрада і, вядома, даручэнні кіраўніка дзяржавы, якія ставяцца перад Акадэміяй навук. У цэлым мы будзем працаваць у кантэксце задач VI Усебеларускага народнага сходу", - падкрэсліў старшыня Прэзідыума НАН.

Гаворачы аб планах на бліжэйшы час, Уладзімір Гусакоў адзначыў, што ў бягучым годзе намячаецца запусціць праекты па вадароднай энергетыцы, стварэнні суперкандэнсатара (назапашвальніка электраэнергіі). "Мы распрацоўваем прэпараты новага пакалення анкадзеяння, гіпатэнзіўнага дзеяння, а таксама шэраг прэпаратаў біялагічнага плана для рэгулявання росту раслін. Акрамя таго, запланавана стварэнне самых новых сартоў сельскагаспадарчых культур, пачалася работа над вывядзеннем новай пароды буйной рагатай жывёлы", - дадаў ён.

Прэв’ю: БелТА. 

Выбар рэдакцыі

Грамадства

Экалагічна і эканамічна: як жыць па прынцыпе «Нуль адходаў»?

Экалагічна і эканамічна: як жыць па прынцыпе «Нуль адходаў»?

Гэта прынцыпы, накіраваныя на зніжэнне колькасці смецця і захаванне рэсурсаў планеты.

Фінансы

Як засцерагчы сябе ад крадзяжу грошай з карткі?

Як засцерагчы сябе ад крадзяжу грошай з карткі?

У I квартале 2021 года было зарэгістравана звыш 800 крадзяжоў грошай праз інтэрнэт, гэта ў 4,5 раза больш, чым за такі ж перыяд год таму.

Эканоміка

Больш за палову аўтамабільнага рынку планеты стане электрычным ужо праз пяць гадоў

Больш за палову аўтамабільнага рынку планеты стане электрычным ужо праз пяць гадоў

А наша краіна разлічвае, што праз чатыры гады кожная 20 машына будзе электракарам.

Палітыка

Прэзідэнт: сцяг і герб Беларусі адлюстроўваюць нацыянальную ідэю народа — імкненне да незалежнага і мірнага жыцця

Прэзідэнт: сцяг і герб Беларусі адлюстроўваюць нацыянальную ідэю народа — імкненне да незалежнага і мірнага жыцця

Урачысты рытуал ушанавання дзяржаўных сцяга і герба праходзіць у Мінску з удзелам Аляксандра Лукашэнкі.