Прэзідэнт Беларусі 21 красавіка падпісаў распараджэнне «Аб будаўніцтве аб’екта «Паўднёва-заходні абыход г. Магілёва». Згодна з дакументам будаўніцтва аб’екта неабходна ажыццявіць да 31 снежня 2023 года, паведамілі ў прэс-службе Міністэрства транспарту і камунікацый.
Яго ўзвядзенне будзе рэалізавана за кошт сродкаў рэспубліканскага бюджэту.
Заказчыкам выступае РУП «Магілёўаўтадар», генеральнай падраднай арганізацыяй на выкананне будаўніча-мантажных работ — ААТ «ДСТ № 3». Будаўнічая даўжыня ўчастка складае больш за 12 км з вялікім мастом праз раку Дняпро.
«Узвядзенне абыходу забяспечыць поўнае замыканне кальца вакол горада, а таксама пропуск транзітнага транспарту ў абыход Магілёва па ўсіх напрамках», — адзначылі ў прэс-службе.
Будаўніцтва аб’екта ўключана ў дзяржпраграму «Дарогі Беларусі» на 2021-2025 гады і дзяржінвестпраграмы на 2021 год.
Прэв'ю: img.tyt.by
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
